世事無常！特地造全新衫演出，陳慧嫻北京巡唱難產！

陳慧嫻「Priscilla-ism」演唱會，自前年開唱以來，一而再咁加場，嚟緊會喺呢個星期六（18日）舉行成都站演出，不過陳慧嫻喺社交平台宣布壞消息，就係佢下月1日、北京凱迪控克中心（五棵松體育館）舉行嗰場演唱會，因為主辦方問題被迫取消。

陳慧嫻寫道：「我的心慌亂了一陣子，然後整個人就給失望的情緒籠罩了好幾天，到這一刻給你們寫感受的時候才真正接受了事實！」

原來出道近35年嘅陳慧嫻，從未試過喺北京開騷：「我從來沒有在首都北京開過個人演唱會，所以在今年年頭知道我能夠把Priscilla-ism帶到北京的時候，我和我的團隊都感到相當興奮、雀躍和期待，我還為了這個難得而榮幸的機會決定把我演唱會的服裝從頭到尾造一批新的，更漂亮的！」

當然，自己失望係一件事，但陳慧嫻更心痛係佢知道有好多已經買好飛，又練好佢啲廣東歌，打算一齊大合唱，不過，o依家一齊都泡湯，所以陳慧嫻一再致歉，仲叫啲歌迷快啲辦理退飛手續。

而陳慧嫻所屬嘅環球唱片公司，以及主辦嘅幻想天空（北京）文化傳媒有限公司都已經分別發表聲明，宣佈演唱會取消。而其中一個可購票嘅網站「大麥網」，亦已喺網站貼出通告，告知已購票嘅歌迷點樣退票。

歡迎分享至朋友圈

來源網路

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！