楊思琦被P不雅照 譚小環開新店請人難 鄺潔楹畀前度劈腿
讓一切隨風
By Heart
陳慧嫻
00:00/04:03
今日快報
雷庄兒拖仔睇首映
港姐雷庄兒出席首映禮，而早前返回加拿大陪男友的她，與一外籍男子現身兼雞啄唔斷，曾揚言到荷里活發展的她，表示今次返來香港逗留一個月，而同行男子是其詠春師傅。
難得蒲頭！楊婉儀避談抵押港姐后冠
楊婉儀一家出席首映禮，自欠債消息傳出後，楊婉儀鮮有露面。當被要求做訪問時，她先著丈夫帶子女入場，自己留步，而且全程笑容滿面，不過當被問到其開辦教育中心是否全線結業，以及抵押港姐后冠等問題時，她答：「已經進入司法程序，唔方便講，唔好意思活動開始啦！」隨即禮貌地離開。
咁恐怖！泳兒自爆被神秘人跟蹤
歌手泳兒（Vincy）到馬鞍山出席活動，除了唱出《預留位置》外，對於網上情緣騙案，由於現在科技發達，好多生活日常、習慣都改變，就連男女朋友，都可以通過網上認識，她說：「所以認識一個人，最實際都係面對面直接對話。同埋老生常談一句，要帶眼識人。」
Vincy自言沒有遇過網上騙案，不過在社交平台，不時收到古靈精怪的Inbox Message，她說：「比較普遍嘅就係問我電話號碼幾多號，有一個印象特別深刻，就係佢每朝早、中午同夜晚都會同我講早晨午安同埋早抖，出Event佢就會話我喺邊度見到你，又知我喺邊整頭同上落車，有時仲會Send相畀我睇，對我嘅行蹤清楚過我自己，但我從來冇見過佢真身。」問可有跟男友講？Vincy說：「我會叫埋佢過嚟一齊睇，開心Share，可能佢係比較瘋狂咗少少，但我都好多謝佢咁支持我嘅。」
女神都輸！鄺潔楹因乜事畀前度劈腿？
近期被封為「仙氣女神」的鄺潔楹原來都曾有過被男友飛嘅慘慘豬經歷，早前她於無線節目《深夜美食團》中自爆：「講起都想喊，當年我同個位男朋友分手嘅原因，係因為佢揀咗一個胸部比我大嘅女仔。」
現在回想起，當然可以當笑話看，如今鄺潔楹貴為仙氣女神，當然有好多人排住隊想追求，問到擇偶條件，她原來有一個很獨特的想法，她謂：「我唔喜歡太瘦嘅人，但亦唔可以有肚腩喎，女仔係比較矛盾?喇，仲有，我好喜歡凌晨有朋友，如果對方凌晨接到我嘅電話，咁大家就啱Channel！」
開新店呻請人難 譚小環：我都出高人工！
藝人譚小環到中環出席活動分享投資心得，經營小食店的她透露將於月底開設兩間新店：「依家請人好難，我都出高人工，可能嫌辛苦啦！」她指早前旺角與尖沙咀的分店因租金貴而結業，月底開業後就共有四間鋪，現階段集中火力經營新店及食品中央工場：「今次自己做番，始終力不到不為財，開工場係想控制食品質素，新店就會有多啲清涼嘅新產品。」
望買鋪開餐廳
小環透露新計劃投資了七位數字：「都係我自己投資基金拎一部分出嚟，投資就係咁，希望長做長有。（七位數收息都賺唔少？）我呢啲叫進攻型，做生意就要有本錢，我信畀心機就有回報。」她直言望鋪價回落可以投資買舖，到時候會考慮開餐廳，令食客有空間及時間享受食物。
被P不雅照 楊思琦痛斥：個身又濕又多點
藝人楊思琦接受電台訪問，她表示昨日在微博發出一份聲明，指網上發現自己被露點的不雅照：「發現Key咗我個頭（上去），然後個身又濕透，又見到好多點咁，睇到都好驚，所以覺得有必要發表聲明，我係拍咗個慈善寫真，但冇拍過（露點不雅照）呢類嘅嘢，希望唔好誤會係我。（邊個話畀你聽有呢啲相？）Fans話畀我聽嘅，覺得事態好嚴重，如果啲人唔知就真係以為係我影，咁就一定要澄清。」
思琦又講到因為剛剛才發現惡搞P圖，暫時都未知相片來源，故未有確實計划進一步的追究，目前首先要做的行動是要澄清：「就連喺邊到Post呢啲相都要再了解嚇先知，網路世界有好多多樣化嘅嘢，都控制唔到人哋點做。（第一次畀人P圖？）之前都試過，但就未試過有不雅成分，都係著住其他得意衫。呢個（不雅照）就未必接受得到。」
問可有書商邀請再出寫真集？思琦話：「反而係Fans、朋友叫出第二集，但自己就冇呢個想法，隨緣啦！一直都有好多人問我會唔會想出其他類型嘅書，仲畀咗好多Topic（題目）我揀，又有寵物、又有親子題材咁，但比較忙啲，要花好多時間去寫。」
歡迎分享至朋友圈
香港娛樂八卦
盡在HKChannel
※55歲黃德斌入紙結婚 唐詩詠爆金句踩翠如 周秀娜首次滑水曬索腿
※余文樂做奶爸少賺幾百萬 目標再生兩個小孩
TAG:HKChannel |