昔日艷星發文爆潛規則！對方自稱系圈中人……

藝人林雅詩（Grace）昨晚突然在社交網嬲爆發文，指多次被一位圈中人呃，她發文：「我真系覺得自己好蠢！好易相信人！我同人講義氣！人哋當我白痴！！！激氣！！原本月頭一個活動，唔知咩理由取消咗，取消唔系重點，重點系個男中間人好有問題，佢叫我幫幫手收利是！每一次同我講：咁熟，收利是！亦都每一次好肯定同我講hold住個期，我又蠢到真係為咗幫佢，果（嗰）日唔接其他工作，點知到頭來都系取消，我又蠢到利是訂金都冇收（雖然金額好少）諗住幫朋友都冇所謂，但一次又一次畀佢玩，佢好似若無其事，唔顧及他人嘅感受，hold住你留住你個期先，到取消是但講聲就算數！之後仲講咗一個令我唔開心嘅潛規則！喺度我要同自己講我唔會相信佢第三次！這個人不適合做娛樂圈。」

媒體透過電話訪問Grace，她透露因為預留檔期給對方，而損失了同日約五、六位數字的內地登台工作，她表示：「其實有個自稱系圈中人嘅男人，唔開名啦，搵我出席一個香港嘅活動，當時我hold起咗個期畀佢，點知最後唔知咩原因冇咗。其實佢唔系第一次咁做，好多時叫我出席活動hold起咗個期，但好多種種嘅原因而取消。（有冇話為咗呢件事損失幾多數字？）其實同日有個內地登台嘅活動搵我，我都推咗，都成五至六位數字，所以我先咁嬲寫喺社交網。（下次仲信唔信呢個人？）我唔會再相信佢，只怪自己太蠢，信咗佢咁多次。」至於在文中提及的「潛規則」，Grace指多次被對方邀請出席「飯局」，但她每次都拒絕應約。

歡迎分享至朋友圈

來源網路

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！