恭喜！拍咗十幾年拖，前TVB老綠葉黃德斌終於同女友登記結婚！

七夕快樂

為大家送上今日份狗糧

↓

熟悉TVB劇嘅你

對於黃德斌肯定唔陌生

佢出演嘅劇不在少數

但係佢一直就當緊「綠葉」

直到近兩年

先至做翻幾次主角

但係TVB離巢熱嘅風氣下

係TVB服務咗25年嘅佢

去年亦都宣布離巢

都繼續馬不停蹄尋求發展

最近同吳鎮宇合作嘅

電影《逆流大叔》上映之後

係香港反響都唔錯

事業上有成

感情方面都有成果啦

早前就有港媒爆料話

黃德斌與細佢16歲嘅女友

終於簽字結婚啦！

現年55歲嘅黃德斌

之前就表示過要

「先立業後成家」

雖然與圈外女友Joyce

已經相戀十幾年

但都一直冇拉埋天窗

雖然呢段戀情

大家都心照不宣

已經好似老夫老妻嘅佢哋

亦都唔係好急求一紙婚書

佢哋嘅愛情長跑實在太耐

曾經同女友一齊

湊朋友嘅BB

出街仲畀記者影底

以為佢哋偷偷生咗

雖然佢哋湊B手法嫻熟

親密到好似一家人咁

但黃德斌都澄清咗

話如果生咗冇可能唔認嘅

生性低調嘅黃德斌

表示婚事要一切從簡

唔打算擺酒

同家人食飯就得

佢哋十幾年都咁sweet

早已開啟老夫老妻模式

之前冇入紙都已經認定對方

今次又再升華啦

電影買好叫座

家庭又邁入新階段

真係恭喜曬！

七夕啦，你哋有冇咩成果呀？

喜歡這篇文章嗎？立刻分享出去讓更多人知道吧！