單身媽媽唔易做！賺錢養家奔波勞碌，羅霖入院大腿切粉瘤

「美魔女」羅霖一向工作忙，積極搵錢養3名兒子，日前見佢一身紅噹噹裙出活動，佢今日中午就忽然貼了兩張在病床相，一幅手握囝囝手，另一張就見到佢手指戴上心率探測器及抽血針傷口。羅霖就有留言：「入院做小手術，感恩有媽咪和兒子的陪伴！身體健康最重要！」

記者聯絡了羅霖，問到佢健康狀況，佢就以短訊回復：「系切取大腿內側粉瘤，沒有大礙，謝謝你關心！」好彩粉瘤屬良性，佢表示約一個月前沖涼時發現：「愈來愈大，好似個大合桃。」問到佢知唔知病因，羅霖說：「身體變化好難講，最緊要多休息，唔好咁大壓力。」羅霖為咗爭取時間搏命搵錢養三個仔，連做手術都要隔埋工作時間：「噚日做完活動，下午入做手術，叫醫生儘快今天給我出院，明天去深圳，賺錢養三個仔，要努力工作，到就嚟撐唔著，就俾返佢爸爸。」

羅霖今次小病入院，好彩有細仔Jonathan同媽咪陪伴，佢話：「他們都驚，但都安慰我，今次最安慰系細仔Jonathan 陪我過夜，因媽媽年紀大。」

歡迎分享至朋友圈

?來源網路

? 商務QQ：1900556960

香港娛樂八卦

盡在

HKChannel

喜歡這篇文章嗎？立刻分享出去讓更多人知道吧！