泳壇女神劉湘亞運破世界紀錄！顏值極高人氣急升

呢次刷新世界紀錄，劉湘成為首位突破27秒大關嘅女子背泳選手，1996年出世仲有十日先22歲，180CM高超長美腿，加上清純甜美靚樣仲有小酒窩，早已成為內地網友心目中嘅泳壇女神。

不過第一美女、游泳女神，一切關於劉湘嘅封號，只限於顏值而唔系成績。呢位「花瓶」以行動話俾大家知，自己嘅實力都值得受到關注。

劉湘嘅父母都系籃球運動員，從小佢就展現出過人體育天賦，眾所周知國家隊運動員自小就刻苦訓練，佢亦都唔例外。不過劉湘始終系後生女，游泳場外其實都同一般少女一樣，鍾意出遊鍾意玩影相apps，不時大騷白滑長腿，仲自爆有煲近期hit爆嘅《延喜攻略》。

貼地又親民兼外型出眾，唔知劉湘又會唔會好似港產女飛魚歐鎧淳咁，試下拍戲做演員呢？

喜歡這篇文章嗎？立刻分享出去讓更多人知道吧！