仔仔極速復出上節目？吳宗憲慨嘆：18年的努力全都毀掉！

娛樂 08-25

台灣綜藝天王吳宗憲因為19歲子鹿希派（吳睿軒）「炸北市府」論，早幾日（20日）帶同仔仔現身公開道歉，當時更宣布僅出道23天嘅鹿希派退出娛樂圈（

出道僅23日退出娛圈！吳宗憲19歲兒子恐嚇言論惹大禍！

）！事隔幾日，吳宗憲今晨就喺facebook以「不知道該說甚麼？」為題開live向網民「告解」，更不禁苦笑、哽咽、慨嘆「18年的努力全都毀掉」！

仔仔唔再系旗下藝人

吳宗憲透露仔仔今日會上黃國倫嘅歌唱節目《金曲傳奇~無與倫比同樂會》，為「復出」之路留伏線！吳宗憲本來打算陪佢上去，但自己要去馬來西亞，隔空叮囑愛子「靠你自己，從最低層做起，你就好好去做，時間可以幫你說明一切！」為咗畀仔仔獨立成長，吳宗憲宣布從今天起，仔仔不再系自己公司嘅旗下藝人，不過有網民就表示「見過最快復出的藝人」！

重提未婚生子

直播中，佢為咗個仔重提18年前承認未婚生子一事，但如今四個子女都規規矩矩長大，本應為此驕傲「就是我做到了不讓社會大眾覺得我是王八蛋」，但結果因為呢件事全都毀了！

曾向仔仔道歉

佢更自責「我是一個失敗的父親」，因為專註工作忽略咗家庭！雖然系仔仔嘅錯，但佢就話事後曾向兒子道歉，佢話：「你講干話被無限上綱、被拿出來的原因只有一個，就是因為你爸爸是吳宗憲。」不過佢亦為仔仔講說話，指對方平時「做一個蛋糕都不會，怎可能做一個炸彈！」唔少網民都留言讚賞吳宗憲處理手法：「他做錯，但是你的態度真的很好。」又為佢加油打氣！