原班人馬演出！約定十字路口上車 《降魔的》明年拍續集

舊年無線嘅台慶劇《降魔的》喺不被看好嘅情況下，贏盡收視同口碑，嗰陣仲喺網上製造咗唔少話題，仲有唔少觀眾期待會開拍續集，編審羅佩清(Ruby)曾經喺fb寫咗篇千字文，佢話：「o依家已經有初步構思，連劇名都諗叫《降魔的之十字路口》，但係因為有好多唔明朗嘅因素，所以仲未正式落實開拍，希望大家可以喺頒獎禮幫佢哋加加油，爭取多啲民意，等公司對開拍續集有信心。」

喺台慶劇未正式公佈，視帝視後嘅人選未明朗化嘅前夕，終於傳嚟好消息，今日有消息指《降魔的》將會喺下年年初開拍續集，Ruby接受傳媒訪問，承認將會原班人馬演出，喺上一輯消失咗嘅演員，亦都會以特別形式出現，而最終係咪叫《降魔的之十字路口》，佢就話要等公司安排。

胡鴻鈞

何遠東

黃智雯

蔣志光

謝雪心

不過，原班人馬當中嘅「些粉」趙永洪似乎就未能成功回歸，事關趙永洪今年三月已經約滿離巢。

馬國明接受傳媒訪問，佢只係話：「等公司宣佈喇，有冇好期待？呢個世界嘅嘢，睇緣分喇，哈哈！」飾演龍貓嘅何遠東就話：「係呀，不過我唔知到時嘅安排係點，o依家係一個謎！」而女主角黃智雯就話：「當然原班人馬最開心啦。」

歡迎分享至朋友圈

?轉載授權微信：lama129

? 商務QQ：1900556960

香港娛樂八卦

盡在

HKChannel

喜歡這篇文章嗎？立刻分享出去讓更多人知道吧！