35歲阿Sa年底嫁百億男友？鍾嘉欣加國誕小王子？湊夠個「好」字？

阿Sa

現年35歲嘅蔡卓妍（阿Sa）與百億富二代男友石恆聰（Anthony）雖然拍拖只有一年半，但就有傳兩人有意明年底拉埋天窗。

其實阿Sa同男友相戀以來，不時拍拖外游，感情穩定，今年5月好姊妹鍾欣潼（阿嬌）喺美國搞婚禮時，更將花球直接交到阿Sa手上，做到出曬面希望佢成為下一個新娘！

而早前阿Sa滑水撞傷額頭搞到留疤，男友緊張得四處問人，並搵嚟整容醫生為女友療傷，細心體貼，阿Sa又點會感受唔到男友幾咁錫自己？

雖然曾有過一段婚姻，原本對再婚看淡，但「對的時間，遇上對的人」，開心又幸福就得啦！

對於阿Sa結婚傳聞，經理人霍汶希表示：「沒有這件事！」而阿Sa就回復：「無咁嘅事，唔係事實，唔知點回應，所以唔回應。」

不過，阿Sa每次提起男友個樣都係甜絲絲，雖表明感情事要低調，但不排除會閃婚。阿SA不時贊男友值100分，對佢溫柔又體貼，曾被追問係咪同居，佢回應話：「有分數啦，唔想交代太多私事，總之樣樣都幾好。」

據了解，阿SA早已融入男友嘅屋企，與男友家人關係亦好好，之前阿SA去印度買珠寶，石恆聰嘅家姐都有陪佢一齊去。而阿Sa同祖兒、霆鋒、關智斌、Yumiko等去遊船河，Anthony亦會相隨，與阿Sa老友都好玩得埋。

鍾嘉欣

鍾嘉欣自2016年誕下女兒Kelly之後，今年年頭再宣布佗B，自5月在港出席完活動後，在加拿大專心養胎的她之後更透露腹中塊肉是男丁，實行湊夠個「好」字。據知情人士指，嘉欣已經「卸貨」誕下男嬰，母子平安，並已返屋企休息，開始坐月生涯。

不過，嘉欣到現在都未親自公布好消息，她的好姊妹亦守口如瓶，王君馨說：「仲未知道，等嘉欣好消息！」李亞男則說：「等嘉欣自己公布，謝謝！」

歡迎分享至朋友圈

?轉載授權微信：lama129

? 商務QQ：1900556960

香港娛樂八卦

盡在

HKChannel

喜歡這篇文章嗎？立刻分享出去讓更多人知道吧！