黃心穎對「黑面港姐」表示失望，反遭工藤佑采嬲爆反擊寸博見報

原標題：黃心穎對「黑面港姐」表示失望，反遭工藤佑采嬲爆反擊寸博見報

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

藝人黃心穎出席無線新劇《牛下女高音》收工飯，黑眼圈盡現的她，透露上月一心二用，既要為劇集趕工，另方面又為內地熱播劇《延禧攻略》追看至天昏地暗，如今劇集煞科，兼且《延》劇播畢，令其大感失落。

談到今屆落選佳麗工藤佑采於IG為港姐監製何小慧批評她態度不好平反，心穎聞言謂：「咁呢件事我覺得佢唔啱，選美過程一定系辛苦，當年我選系隔兩日就做唔同嘢，人哋做到，佢做唔到系自己問題，仲以為黑面系佢跳舞態度，如果系做人態度就唔抵爭。（覺唔覺得落選仲要做布景板好慘？）唔覺得，當年我哋系最後十強先可以喺決賽出現，但今屆系20個都可以已經好好，辛苦咗咁多個月，梗系想喺台上展現自己，留個好好嘅回憶，所以應該跳好佢，咁樣就徹底對佢失望。」

今屆落選佳麗工藤佑采因「黑面」而成網民熱議對象，連歌手張敬軒都轉佢張黑面相做IG頭象，之後佢又被港姐監製何小慧批評參選嘅時候態度已經唔好，港姐出身嘅黃心穎尋日被問到呢件事嘅時候，佢就好坦白咁話：「徹底對工藤佑采失望。」

點知呢番「失望論」令工藤佑采「有話兒」，佢喺社交網上載黃心穎接受訪問時嘅截圖，髮長文話：「我份人一向奉行 人不犯我～我不犯人、凡事留一線～他朝好相見丶好多事 退一步海闊天空，所以從來都 冇公開喺網上話人、但系我都講過 我唔系打不還手 罵不還口！ 黃心穎我幾時有講過 我話比賽辛苦不滿意？從頭到尾 比賽完咗 我都冇講過 ！」

然後佢又話系直到尋日有人公開抹黑佢，佢先至出聲：「 都系講緊佢哋抺黑我、而不是說比賽辛苦，既然你哋要屈我 我都唔排除 將來 會講下（嚇）比賽嘅事、 你堂堂三甲香港小姐 連閱讀理解都唔識？真系叻豬！黃小姐 你唔使咁護主心切?！我如果系你接受訪問 就會話冇留意 冇回應啦！ 因為支持吾支持 都系死路一條 ！順得哥情失嫂意！你成功左（咗）啦、成為左（咗）第一個 我會喺網上公開講嘅人～ 」

之後佢仲意有所指話：「你嘅行為真系（系）表現到 你系幾甘（咁）美貌與智慧並重 、其實你系咪好耐冇見報？ 所以要出嚟話一下（嚇）我？ 咁我好支持你繼續話～千祈唔好停～ 咁我哋就可以一齊見報 好多謝你咁留意我?」

對於佢呢番言論，網民反應兩極，睇怕呢場罵戰仲會繼續！

- END -

喜歡這篇文章嗎？立刻分享出去讓更多人知道吧！