杜絕黃牛黨！劉德華幫政府拍宣傳片，提醒買門券勿受騙

娛樂 09-03

劉德華今年年尾喺紅館舉行跨年演唱會，本來將於4日公開發售，惟上月25日於柴灣售票處發生斬人事件後，主辦方經商議後，決定取消於售票處出售門券。消息公布後，本來喺各個售票處排隊嘅人龍都立即散去，而劉德華更為政府拍攝了一條宣傳短片，呼籲市民避免受騙，要透過正確渠道購買演唱會門券。

昨日11點半左右，警方透過官方社交平台，上載一條長1分40秒嘅短片，短片開首時可見，華仔身穿白恤衫背向鏡頭，站在辦工室望著掛在牆上的舊相片，然後再慢慢轉身講：「我知道好多人喜歡睇演唱會，點解？因為可以近距離接觸，同支持自己喜歡嘅偶像，但如果你哋喺網上，或一啲非官方渠道買飛，我真系希望你哋小心啲，好多騙徒利用你哋嘅心理，然後透過好多唔同social media話俾你哋聽『我有飛賣』，第一樣嘢就叫你過咗數先，到攞咗錢會想盡辦法　用好多借口拖延交收，最後唔見咗。」

華仔再話：「唔好信網上like、留言，一切一切我都覺得系博取你哋嘅信任，我又呼籲大家千祈唔好買來歷不明嘅門券，因為真系有機會墜入陷阱，亦唔鼓勵買賣黃牛飛。如果唔想做受害者我有個建議，就系一定要去官方同正確渠道買門券，如果買唔到，要喺第二啲地方買，買飛過程有任何懷疑，希望即刻停止所有交收同報警」最後華仔就呼籲大家，支持佢哋同時要保護自己，避免受騙。