李佳芯趁胡定欣離巢上位？　吳卓羲生日攬新女友？　張馨月已融入林峯家？

娛樂 09-06

今日快報

與陳瀅暗撻半年？羅天宇堅稱單身

08年參選香港先生入行嘅羅天宇，最出名嘅都算系喺《愛?回家》當中飾演嘅馬子仁一角，感情方面，入行後同參選過港姐嘅湯洛雯拍拖，本來兩人都相當甜蜜，可惜喺今年3月，湯洛雯喺IG承認兩人已經分手。

而呢段情當中，仲曾經傳出過有第三者，被指介入兩人戀情嘅陳瀅當初雖然已經實時否認，但今日又有周刊爆出陳瀅同羅天宇已經暗撻半年，日前更相約周志文同劉佩玥一共四個人前後腳入場睇戲，陳瀅更提早半個鐘離場。

今日有傳媒向羅天宇求証系咪同陳瀅拍拖，羅天宇回應表示：「唔系，（目前單身？）系，Sorry，其他嘢唔回應喇。」

新傷舊患纏身！朱晨麗打到骨頭移位

無線小花朱晨麗（朱朱）主演的無線劇集《特技人》即將進入結局篇，劇中不乏動作戲份的朱朱，先後有多場戲與武師對打，儼如打女上身。但原來她拍攝時不時受傷，加上以往跳芭蕾舞舊患影響，結果左手左腳同告受傷！她說：「醫生話我系骨頭移位，加上筋膜發炎腫痛，幫我針灸同電療後，我都要幾個月先可以徹底好番，但嗰時因為趕戲冇要求停工休息，敷咗葯到片場，我就自己撕走啲葯繼續拍。」

習慣咗受傷

最終到劇集煞科，她又再增添了少許瘀傷及擦傷，幸而身體其他部位沒有大礙！朱朱說：「可能以前跳開舞，已經習慣咗受傷，依家反而覺得拍打戲好型！如果有機會都想繼續打落去。其實以前都有學過啲武術基本功，好似拉筋咁，都覺得幾好玩。今次雖然拍得有啲辛苦，但效果相當理想。」更笑指希望公司再開拍動作片的話，可以第一時間考慮起用她。

張馨月孖林夏薇合照證地位

藝人林峯與緋聞女友、內地模特兒張馨月多次被拍到外出，女方仲不時嚟香港，兩人關係甚密，但至今佢哋仍然未有承認戀情。張馨月日前又透露嚟咗香港，雖然佢從未有喺網上上載同林峯嘅合照，但就反而曬出同林峯堂妹林夏薇嘅合照！

有眼利網民就留意到張馨月只喺港人愛玩嘅Instagram度上載同林夏薇嘅合照，而冇喺內地專用嘅微博度上載，難怪有網民揣測佢想博見報！

生日派對攬住新女友？吳卓羲：朋友搭嚇冇乜所謂

吳卓羲10年尾同大陸女藝人張馨予撻著，但拍拖未夠兩年就分手。上個月5日，張馨予喺微博宣布結咗婚，老公系現役軍官、武警特戰指戰員何捷，之後吳卓羲出席活動時都有向舊愛送上祝福。

吳卓羲自從2012年7月同張馨予分手之後，感情似乎未見有著落。不過，近日網上流傳一張吳卓羲同老友郭政鴻、馬德鍾、戚美珍、苗僑偉等大班朋友慶祝生日嘅相，相中吳卓羲一手著住紅衫攬住個年過30戴cap帽嘅女子，一手豎起手指公，喺生日蛋糕前影大合照，另一張系成班人食飯合照，個cap帽女子正正坐喺吳卓羲隔離，令人懷疑個女仔系吳卓羲新女友。

昨日系吳卓羲生日，記者打比壽星公，問佢正日生日點慶祝時，佢話同屋企人食飯慶祝。問佢日前系咪攬住新女友同鴻仔等人慶生，佢就否認系新女友話頭：「朋友嚟?，如果系就唔會登出啦，系咪先，儍?咩！」講到佢dry咗咁多年，有新女友都好正常啫，但吳卓羲否認話：「咁唔系女朋友嚟?嘛呢個，朋友嚟之嘛，系都唔會登出嚟啦。張相系我哋朋友send出嚟。朋友搭嚇冇乜所謂，咁開心。」依家感情生活點？吳卓羲話：「做嘢先啦，邊有時間呀。」

而記者都有打俾郭政鴻，佢就話系前晚(8月31日)同吳卓羲食生日飯，問嗰個系咪吳卓羲新女友？郭政鴻話：「唔系，朋友嚟?咋！」

傳胡定欣想離巢　李佳芯趁機上位？

藝人李佳芯（Ali）到中環出席活動，大曬長腿。對於有傳胡定欣不再續約TVB，Ali表示自己跟公司去年才續約，尚有多年合約，但沒有想過因此會有更多機會：「公司有咁多劇，好多同事都有機會有唔同演出，冇諗人哋對自己有咩影響。（覺得爭視後嘅機會高咗？）獎項系睇番嗰年嘅表現，唔代表一直喺度就有得攞，獎項同合約時間系冇關係，最緊要做好自己。」

自認性格男仔頭

Ali表示受兩個哥哥影響，性格比較活潑好動：「有時細個經過繩網、平衡木、高低杠，都會去玩嚇，撐住自己都好開心，好刺激，最鍾意玩攀爬架，但依家冇曬啦！（有冇試過整親？）有跌過落地，但有軟膠墊，所以冇乜事，細個唔識驚，就算跌到好似內臟移位嘅感覺，都唔驚。」她自認性格比較男仔頭：「阿哥玩乜就跟住玩，所以練成我比較豪爽啲嘅性格，唔系粗魯呀！我覺得活動多啲好啲，好過打機。」