Twins巡唱終點站公開售票馬浚偉被爆秘戀李美慧陳鍵鋒大變身

娛樂 09-07

是否再見

林夏薇

00:00/03:01

今日快報

警群組爆身份　超蓮寓所遭痴漢闖入速報警

賭王三房千金何超蓮人美心善，不少粉絲，近日有消息指網上有警察群組透露昨日有一名好愛慕超蓮的「公安」在其布力徑家中被拘捕，事源對方「闖入」超蓮家中。

超蓮接受訪問時承認此事：「嗰日媽咪出車期間，開咗度閘，佢就入咗嚟，所以保安就報警。」她強調由於自己不在現場，故不太清楚當時狀況，著記者問三太陳婉珍秘書Sandy，她透露該名男子多年來不時到她家門口盤旋，送禮物給她，然而多年來她只是隱若見過對方，從未跟他對話，也不知道他的姓名：「只知助手叫他Piano，可能因為佢曾送過琴仔禮物。有次你哋傳媒寫過有人送花上門畀我，嗰扎奇怪嘅花就系佢送。」由於警察群組稱對方為「公安」，問超蓮可知對方真實身份？她說不清楚。

問以後有何措施防止？她說警察已叮囑她往後出入會小心。問三太會否請保鏢保護？她說：「平時我司機就系我保鏢，媽咪有講叫我唔好Po咁多嘢上網引人注意，但系我都系覺得避無可避。」

據悉，該名男士年約40歲，不時流連於超蓮家門口，當日在閘口自言自語，指手劃腳，保安見他行為古怪，為安全計報警。

胡定欣潮玩Wakesurf　跌落水都要靚

「視後」胡定欣都潮玩wakesurf玩意，仲約埋好友陳山聰同袁偉豪一齊出海。見佢喺社交網上載咗一條短片，睇嚟都玩得幾好，不過拋咗繩之後喺水面就維持咗唔系好長時間，一陣就跌入水中。

不過，「視後」一定要靚，臨落水前一刻都要轉個身、揮揮手同大家講bye bye，佢自嘲系BB班留言話：「對比番一年前玩個一次，我覺得今日的表現算系咁！姿勢都好睇咗，希望下次可以玩到放繩都hold到至少30秒。一定要睇到尾，咩叫做沿途就算跌要跌得好看。」

大小姐亂入！許家傑馬貫東「雙送CP」又放閃

劇集《愛．回家之開心速遞》一直大受觀眾歡迎，劇中演員仲好似一家人咁，戲內戲外一樣咁Friend！尋日「博士」馬貫東就同「送水輝」許家傑一齊去做Gym，「博士」仲分享騷肌合照，留言：「歡迎嚟到 #送送健身中心#送水輝 #送貨仔 #深造班 #初階班 #互勵互勉」有網友留言話覺得佢哋勁似樣：「大家都冇咗對眼！」仲話「送送CP又放閃」，對呢個組合非常受落！

「大小姐」林淑敏見到都忍唔住發功話：「你個friend咁熟面口，我向（喺）邊度見過呢？」「送水輝」即刻回覆：「小姐我好似系（喺）邊度見過你。」仲加咗個流曬口水嘅表情符號，試圖騎劫番個Post！

而「送水輝」亦有轉發「博士」個Post，留言：「竟然我的眼比呀東還要小」，網民繼續話畀「雙送CP」閃盲，仲有網友為「大小姐」抱不平，搞笑話叫編劇拍番集「我情敵系送貨仔」！

好耐冇見！陳鍵鋒大變身　因為做呢樣嘢？

藝人陳鍵鋒近年北上發展，已經甚少喺香港出現，不過早前佢去咗溫哥華度假，仲同前輩黃淑儀（Gigi）齊齊上由李婉華主持嘅電台節目做嘉賓受訪添！喺李婉華嘅社交網所見，陳鍵鋒依然青靚白凈，婉華稱：「見他又型咗，皮膚又紅潤，非常靚仔，原來他努力去做gym之餘，還開始了一年ketogenic diet（生酮飲食），即系唔食殿粉質及糖。搞到Gigi姐和我非常羨慕。」

曾拍拖三個月？馬浚偉被爆秘戀李美慧

無線藝人李美慧今年六月下嫁富商曾文豪，今日有讀者爆料指她與馬浚偉曾於去年拍拖三個月，二人在橫店拍劇時經常相約打羽毛球。

記者致電馬浚偉求證時，他否認曾與女方拍拖，指二人只是朋友，強調爆料是笑話一則：「我哋系有打過波，但系成班一齊。（話你冇去佢嘅婚宴？）佢有請我去飲，我唔得閑。多謝讀者們關心我嘅婚姻大事，唔使擔心，我好好。」他坦言很欣賞對方，但完全跟愛情扯不上關係：「我一直都贊佢，覺得佢系一個好有演員道德嘅演員，同埋佢好善良，佢對動物好好，佢就算走咗都特登飛返去照顧流浪動物，我好感動，系我欣賞嘅一個後輩、同事同朋友。」

Twins巡唱終點站公開售票　粉絲塞爆網

組合Twins由2015年到2018年，歷時三年、差唔多跑勻大半個地球、完成超過二十場嘅《TWINS LOL世界巡迴演唱》，今年十月十三日將會在澳門威尼斯人金光綜藝館舉行，今次系Tour最後一站，更會採用四面舞台設計，實行同歌迷近距離接觸。

演唱會門票公開發售，大批粉絲湧入網站搶飛，導致網路大塞車，歌迷同網民都表示入唔到個網站。直至下晝近三點，終於入到官網，不過門票已經全部售罄，反應熱烈！Twins都好開心話：「好多謝大家一直以嚟嘅支持，呢個巡迴都做咗一段時間，今次去到最後一站，當然會唔捨得，所以我哋一定會毫無保留咁去演出，亦都希望大家可以當一個Party咁Enjoy。」

張國榮62歲生忌　日迷獻912隻千羽鶴悼偶像

9月12日是一代巨星張國榮（哥哥）的62歲生忌，一如往年每個「哥哥」的生忌和忌日，日本「哥」迷都會摺制千羽鶴送給「哥哥」。日本「哥」迷這次以「哥哥」喜愛的玫瑰為主題，摺了912隻不同色調的粉紅千羽鶴，並將於9月12日親自帶到寶福山作為「哥哥」62歲生忌禮物，他們在生日卡寫上：「我們最親愛的Leslie，Happy Birthday！在您的62歲誕辰，我們以『甜蜜玫瑰』為主題，製作了一束新的千羽鶴。這912隻千羽鶴就像一束粉紅玫瑰，每隻都代表我們對您恆久的愛和敬重。生日快樂！永恆的愛～繼續張國榮。」