唐唐曬相悼張國榮張景淳呂慧儀「情侶檔」拍廣告 28歲陳嘉寶宣布陀B

娛樂 09-12

風繼續吹

張國榮

00:00/05:11

今日快報

電影涉盜名集資　樊少皇發聲明否認簽約

影星樊少皇透過工作室發聲明，指從未與《魔幻師》簽約。聲明內容指：「此項目於今年6月開始便以藝人樊少皇將出演該片的名義在外進行集資，今年8月曾與我方接觸，最終因檔期等原因，雙方並未合作。」最後事件已交由律師處理。而樊少皇亦在自己的微博轉發了聲明。

好爸爸！陳曉東帶囡囡蒲樂園賀43歲牛一

歌手陳曉東今個月43歲牛一，早前已經同朋友食飯切蛋糕慶祝，雖然佢系壽星仔，但身為兩個女兒的父親，實行女先大過天！趁住放假過生日嘅日子，舉家飛到上海輕鬆一下，仲去埋小朋友最啱玩嘅主題公園添！

佢哋一家四口著住親子裝周圍影相，睇嚟因為囡囡「朵朵」同埋「多多」仲細，所以見佢都系帶佢哋去影下相食下嘢，都冇乜點玩機動遊戲。「朵朵」同「多多」除咗有爸爸媽媽陪，仲見佢兩個一人拎住一隻公仔。唔少網友話似乎呢個旅程系慶祝囡囡生日咁，多過陳曉東生日喎！

同周勵淇阿Sa自拍　邊個揸機做「大臉王」？

藝人周勵淇（Niki）早前轉會兼轉名，加盟英皇娛樂後好快就已經融入呢個大家庭，之前生日嘅時候更獲公司為佢大搞生日會。呢日Niki就同經理人霍汶希（Mani）、同門師姐兼好姊妹蔡卓妍（阿Sa）以及老闆楊受成一同飯敘，其中三位靚女仲大玩自拍，而Mani亦好識做咁企最前負責揸機，等阿Sa同Niki可以Keep住細臉，佢留言：「周勵淇這一次我的臉比你的大了，公平了吧，蔡卓妍下次輪到你啦。」唔少網友大讚佢哋無論點影顏值都系咁高，仲提議下次可以搵埋容祖兒（Joey）同鄭希怡（Yumiko）嚟斗下邊個系「大臉王」。

結婚未夠一年 28歲陳嘉寶宣布陀B

去年11月與身家半億嘅初戀男友黃頌祈拉埋天窗嘅「邦民女」陳嘉寶(Anjaylia)，結婚未夠一年，今日終於有消息公布，將會榮升做媽媽！

28歲Anjay喺ig度貼圖同留言，佢話：「最近我身邊的朋友都在說我很奇怪，問我為什麼做了運動之後手腳和臉瘦了這麼多，肚子的肉肉卻好像不減反增...現在謎底要給解開了！因為那不是單純的肉肉啊！那可是一個寶寶呀！哈哈……感謝神的賜予，也要特別感謝我身邊的小天使們在過去半年來貼心的守護，謝謝你們時刻緊盯並照顧著我這個不羈大頭愛自由的人。我會繼續好好努力做好自己，不管是鏡頭前後的那一個身分，都會繼續盡善盡美。謝謝大家對我們的祝福，若果未能一一回覆，請多多包涵。願主祝福各位」。

Anjay以短訊回復傳媒：「多謝祝福！多謝關心！有機會先一次過同大家分享多啲啦。辛苦曬啦！」

陳豪比華利山別墅6萬租出

藝人陳豪育有三個仔女，經常為小朋友的學業絞盡心思，今年便為大仔陳梓燁秘密轉往黃竹坑的新加坡國際學校就讀K2，與趙薇女兒同校，為了方便兒子上學，更不惜舉家由大埔搬往南灣月租七萬的新居。有市場消息指出，他持有的大埔比華利山別墅湖景道雙號屋，實用面積2,461方呎，以約6萬元租出，呎租約24元。以該洋房2013年購入價3,368萬元計，租金回報率約2.1厘，相當不俗。