陳展鵬娶單文柔因為旺夫？　周秀娜孖惠英紅奪影后

娛樂 09-15

今日快報

吼實林峯等嫁！岑日珈聞男神有新女呻無望

今年24歲的岑日珈（Angie）曾經被傳有富商包養，又指她愛在網上炫富，小康之家出身的她住豪宅，又有名車接送，被質疑收入與支出不符。面對連串負面新聞，她說：「人哋咁樣睇都系正常嘅，我冇話好唔開心，我爹哋退休將間生果店轉讓咗，有筆錢，之前樓市好景，屋企人又換咗樓，都賺咗四成有多。」她坦言做這行有好多辛酸，外人未必見到，好似有時她網購一些服裝，但之後又退回，真正置裝不多。

Dry咗三年幾

她處之淡然，反而爹哋媽咪擔心她不開心，問到為何不儘快找個男朋友證清白？她笑說：「其實我好想?！年紀開始大，唔好話生B，拍拖都要時間了解，唔會突然一拍就結婚。」她坦言好想搵個好男人，但知道並不容易：「可能暫時未遇到。（Dry咗幾年？）三年幾喇！入行前都有拍拖。」

靠緣分牽引

Angie突然主動問：「林峯系咪失戀？」當她得知林峯盛傳有新女友張馨月，即緊張地說：「嗰個系咩？你哋證實咗？死啦！冇咗個機會。」她喪笑承認自小已很喜歡林峯，更傻到想過將來林峯成為她男友及老公，但笑言入行至今未見過對方，希望將來在工作上能夠遇見：「呢啲系緣分，我睇過一本書，話愈諗得多嗰件事就會成事。」

親自操刀非重點！蔡思貝小背心Big爆剪髮

無線小花蔡思貝近日為咗拍攝新劇《機場特警》，特登剪短頭髮回復初出道嘅造型，仲話系親手剪添！呢日佢喺社交網曬出剪頭髮嘅過程，見佢一落刀就剪走一大撮頭髮，認真狠心。不過最大嘅亮點並唔系啲頭髮，而系佢嘅一身打扮，事關思貝以白色小背心上陣，大騷深長事業線，相當吸睛。

佢以英文歌《Ordinary people》嘅歌詞留言，意思大概系表達演員身份為佢帶來前進嘅動力，並令佢嘅生命充滿愛同意義！

金色低胸撐場　周秀娜孖惠英紅奪影后

女星周秀娜（Chrissie）日前到寧波出席《十大華語電影盛典》，她以金色低胸晚裝亮相，除了作品《29+1》成功打入「十大華語電影」並奪得「年度優秀電影」，她更憑該片與影后惠英紅雙雙奪得「年度女演員」的個人殊榮。

當大會宣布獲得「年度女演員」時，Chrissie感到意外又興奮，她在得獎後說：「之前我做訪問，或者喺自己嘅網路平台同其他頒獎禮上，雖然電影入咗圍，但自己一路冇機會上台多謝團隊同工作人員、導演、演員。今次上到台親口同佢哋講多謝，真系好開心，所以噚晚自己攞獎時有啲口震，好激動。我記得喺角逐金像獎時，身邊朋友都好支持我，我好想話畀佢哋聽，多謝佢哋嘅支持，我要同大家分享呢個獎。個個都話29+1系人生另一個土星周期、轉折點，喺我30歲時拍到呢部戲，我覺得佢系帶咗我去另一個階段，希望自己都好似部戲所講，『由零開始』，每一個階段都系新階段。我深信今年對我嚟講，或者嚟緊即將開展嘅事業都系，我會繼續努力，同埋保持初心。」

第六屆海峽兩岸三地《十大華語電影盛典》是目前唯一由中國大陸、香港、台灣三地電影界聯合舉辦的華語電影盛會。今年獲得提名的華語電影共有19部，《29+1》是唯一一部入圍的純港片。

高人指點　陳展鵬即娶單文柔因為旺夫？

藝人陳展鵬早前突然宣布與拍拖年半的女友單文柔（Phoebe）結婚，有指展鵬一向好迷信，經高人指點下，事業暢旺，更躍升視帝。不過早前母親中風，自己搬屋又惹投訴，諸事不順，有指高人認為他與Phoebe很夾，婚後必定旺夫，將來愈生小朋友就愈旺，據講展鵬信到十足，所以立即行動向女友求婚，將「旺夫妻」私有化。