港姐冠軍又亂噏！嫁有錢人就是「公廁」、「J女」？前輩怒斥好Cheap！

2016年港姐冠軍馮盈盈當選以來，口才了得，出位言論夠出語錄，近年備受無線器重，除了鐵膽主持清談節目《#後生仔傾嚇偈》外，今年又做港姐司儀，人氣高企。

禍從口出，繼之前關於兩性關係言論出事後，盈盈又再瀨嘢！在本月10日播出第178集的《#後生仔傾嚇偈》中，盈盈和麥明詩對「港姐嫁有錢人」的話題，你一言我一語，十分激動。

陸浩明先勾起話題：「如果男仔入贅就畀人話食軟飯。」盈盈聽罷突然激動地說：「如果我哋嫁畀有錢人，就畀人話睇死佢啦！想釣金龜啦！係雞！係公廁！」麥明詩亦幫口說：「畀人話選港姐就係為咗咁！」

對於被指失言，馮盈盈昨日解釋「公廁論」並非由她講，真正的始作俑者是網民：「我係複述緊一啲食花生、不懷好意嘅網民言論，唔係代表我嘅意見同立場，我對呢啲言論持反對意見，我唔認同！女仔去搵想要嘅婚姻，有乜問題？應該自主去掌握幸福，我係為女權平反，希望大家公開討論同正視。（覺得用詞太露骨？）其實網上攻擊女性嘅用詞，再粗鄙啲、露骨啲、具攻擊性啲，我只係拎出嚟討論，要正視嘅係點解喺網上攻擊人就冇問題？拎上節目講就有問題？」她覺得節目尺度也是有價值的討論。陸浩明亦撐盈盈只是轉述網民睇法，麥明詩更加攬埋上身：「佢講嗰啲同我講一模一樣，你當我哋係集體表示得啦！我唔會勸盈盈，佢冇問題，只係拎出嚟講，唔需要避忌。」

不過，「公廁論」卻令港姐前輩有意見，2010年港姐季軍庄思明大感不該：「唔好話佢係港姐，就算係公眾人物都唔應該喺個節目咁講，個節目咁多年輕人睇，首先對自己個形象唔好，第二會有損香港小姐嘅身份，第三佢會影響到新一代嘅想法。我唔知佢咁講係咪為咗節目效果同想Keep住有Noise，但成個感覺好Cheap，佢可以用其他字眼表達，唔需要用到咁激進嘅字眼，唔好為出位而用呢啲字眼。」

前港姐亞軍朱潔儀則說：「冇聽過人哋咁講過港姐，邊度聽番嚟？咁肉酸嘅！以前選美時，啲總監教我哋做港姐要慎言。」

今日麥明詩再度喺社交網發文，力撐盈盈冇問題：「何謂cheap也？見風使舵、見利忘義、損人利己、坐享其成。只憑言辭一兩句而妄下斷言，未免略為膚淺。」

歡迎分享至朋友圈

來源：東網

香港娛樂八卦

盡在HKChannel

9.15-9.16 文藝品類日每滿100減50

喜歡這篇文章嗎？立刻分享出去讓更多人知道吧！