陳啟泰張智霖拍超級網劇阿嬌獲網友洗版恭喜升呢人母王浩信拍外景受阻

娛樂 09-18

梨渦淺笑

半斤八兩

許冠傑

00:00/03:06

今日快報

《喜劇之王》打卡熱點　山竹無情吹散

超強颱風「山竹」襲港，《喜劇之王》打卡熱點都被吹散！柳飄飄（張栢芝飾）同尹天仇（周星馳飾）在樹下抬下巴一幕，深深印在大家腦海中，不少影迷都會專程入大澳模仿這一幕。但山竹無情，狠狠吹散這個熱點！有網友拍下照片，見到該處現今已變成頹垣敗瓦，山竹吹散的不只一個景點，更吹散了大家心中的集體回憶，令人心痛！

避山竹拍賣Job改期　張啟樂損失六位數

演員張啟樂（Ben）本來星期日晚（16日）要進行網上直播拍賣工作，但因颱風山竹襲港，考慮到公司員工安全決定延期進行。阿Ben因而損失六位數字收入，但他覺得山竹的風勢太強勁，為顧大家安全，寧願改期。

他最近除了應邀請到不同公司平台分享網上買賣心得，又為電影《犯罪現場》演出，有機會與影帝古天樂合作。

離巢外闖！「末代主播」嚴崇天赴韓培訓

前有線主播嚴崇天（阿天）近日離開工作10年嘅有線電視，直言好唔捨得，但認為人生唔同階段要追求唔同嘅嘢，佢話：「啱啱大學畢業就加入主播行列，由一粒土豆咩都唔識，但好幸運當年可以向陳貝兒、陸浩明、區永權呢班咁好嘅主播學習，自己曾經離巢過又返嚟，公司都仲好畀機會我，畀我去唔同影展見識、好開心。」

阿天喺有線工作期間識咗好多好朋友，雖然大家已各散東西，但感情依舊深厚，佢表示：「真正認識嘅朋友都保持良好關係，唔會因為唔同公司就唔搵對方。」佢仲話自己呢幾年變成公司資歷最深嘅主播，對於被外間稱為「末代主播」，難免都有啲唏噓，不過阿天已經有新動向，佢透露：「同舊同事尤蔭蔭開咗間公司搞培訓，亦會繼續接司儀工作、試唔同嘢，依家首要任務系去韓國培訓韓文，因為自己好鍾意韓國文化，希望韓語流利啲、增加多啲工作機會。」

王浩信拍外景受阻：安全最重要

香港受到「山竹」超強颱風吹襲下，破壞了不少地方的樹木，冧樹令到很多道路癱瘓，而正開工的藝人王浩信，他演出的無線劇《解決師》仍在開拍外景，問到可有受到影響？他回覆東網稱：「我正在工作中，知道有些外景可能受到影響，但是工作人員的安全一定是最重要，另外亦在此向前線人員致以感謝，希望山竹對香港的影響可以儘快復原，加油！」

爸媽學前班！阿嬌獲網友洗版恭喜升呢人母

37歲的鐘欣潼（阿嬌）與32歲台灣「醫界男神」賴弘國今年5月於美國舉行百萬浪漫婚禮，婚後不時喺社交網放閃，網友都好關心佢哋幾時會造人成功。今日阿嬌就喺社交網分享咗好多張同賴弘國嘅甜蜜合照，仲留言：「英國之旅多謝有你#爸媽學前班」呢個Hashtag認真不得了，大批網友都滿心歡喜問女神系咪要做媽媽，仲不停洗版恭喜佢哋！

澄清只系真人騷

其後阿嬌就留言澄清：「多謝大家咁關心我不過只是個真人秀（騷）啦　下次下次」，令網友大嗌失望，以為會見到「嬌二代」，仲話希望下次系現實版爸媽學前班！期待聽到阿嬌嘅好消息呀！

唔要再老正！陳啟泰孖張智霖拍「超級網劇」

由香港、台灣兩位男神張智霖（Chilam）、王陽明擔正，伙拍薛凱琪和梁靖琪主演的現代懸疑警匪網劇《蝕日風暴》，由金牌監製梁家樹及其班底打造，穿梭香港、布達佩斯、馬來西亞三地拍攝，秏資超過1.8億元，將在本月22日晚在香港「黃Viu煲劇平台」獨家首播。該片被喻為本年超級網劇，雲集一眾好戲之人，包括秦沛、劉兆銘、羅家英、許紹雄、盧惠光、林嘉華、麥長青、陳啟泰、張松枝等。

飾演國際刑警郭Sir的陳啟泰透露一度與劇集失之交臂：「入行廿幾年，以往多數做主持、或者飾演專業人士，就連扮殭屍都要著住西裝，所以劇組初時邀請我扮警察，我系推咗，因為我想做啲好玩嘢嘅角色，最好系變態佬或者殺人犯！後來佢哋提議我演出另一角色，啱曬喇，正正系我想做嘅嘢。」他直言角色有極大反差，劇迷記得留意。至於與張智霖的多場對手戲，陳啟泰笑言似足敘舊：「同Chilam識咗好多年，大家有共同朋友，細個成日一齊出去玩，不過合作都真系第一次，所以好珍惜呢個機會。」