活動上經常摸肚，肚凸凸趙頌茹唔通有喜？

趙頌茹（Yu）出席中秋節活動，著住紅色連身裙嘅呀Yu經常摸住個肚，表現唔太自然，阿Yu笑話：「呢排成日同個女一齊食零食，加上條裙嘅cutting，望到自己好腫呀，要減肥，下次會著得貼身啲，大家唔好誤會。」

每年嘅中秋節正日就系大女嘅農曆生日，嚟緊大女已經8歲，阿Yu話：「都系咁，冇病冇痛已經好開心，同往年一樣，都系同屋企人過，放學就帶佢哋返爸爸媽媽屋企，一家人過，我會同爸爸飲酒傾偈，已經好warm。大女都有要求?話要去買玩具，一年一份，兩個女都唔系好大要求，因為佢哋都唔系好多時間玩，但系反而有叫我買冰皮月餅，佢哋著重傳統節日，細女就遲3日生日，但佢就要求分開慶祝。」

提到颶風山竹襲港，阿Yu就話怕怕，幸好樓下鄰居提醒仲幫佢買埋膠紙黐玻璃，佢話：「真系好驚會吹爆玻璃，細女仲唔知危險，打開窗，我同佢講咁做好危險，佢冇呢方面嘅知識，好彩唔使從錯誤中學習。」

歡迎分享至朋友圈

來源：東網

香港娛樂八卦

盡在HKChannel

0元免費領好禮

喜歡這篇文章嗎？立刻分享出去讓更多人知道吧！