還沒完？「黑面」工藤變港姐評論員力撐馮盈盈…

今屆落選「黑面」港姐工藤佑采，喺比賽過後抱不平，公然話大台冇當過落選佳麗係港姐，又直呼大台係方丈，結果俾師姐黃心穎批評徹底失望，黃心穎回復傳媒時再次勸工藤「尊重個舞台、尊重自己。」

工藤惹火性格完全收唔到掣，昨日凌晨佢又搵到港姐話題同fans傾偈喇……

事緣係馮盈盈喺上兩個星期嘅一集《後生仔傾嚇偈》節目入面，講咗句「如果我哋（港姐）嫁俾有錢人，就會話『睇死佢鈞金龜』、『選港姐就係為咗咁』、『係X』…」馮盈盈喺節目入面甚至引用咗網路術語「公X」，結果俾港姐前輩庄思明話佢好cheap。

雖然件事已經過咗成個星期，但工藤cap番幾日前嘅報道力撐馮盈盈，佢留言話：「其實馮盈盈都只係講有部分人，對於港姐如果嫁有錢人會被人批評。」工藤甚至覺得，馮盈盈引用嘅言辭，都係「複述事實，又不是發表個人睇法！可能言語上身為一個港姐係有點大膽，但係同cheap好似點都拉唔上關係！」佢又話之前錄節目見過馮盈盈，贊對方份人「有點太大膽同埋太真實，會令有部分想發夢嫁人接受唔到！」

工藤事隔咁多日先出post，立場企到硬一硬，但其實馮盈盈事後已經改咗口風，回復傳媒時都講過，有人用兩把尺去衡量藝人同網民講嘅同一番說話，總之經過今次件事，睇到電視尺度去到邊，以後用字會收歛啲、溫和啲同忍晦啲。

歡迎分享至朋友圈

來源：蘋果日報

香港娛樂八卦

盡在HKChannel

0元免費領好禮

喜歡這篇文章嗎？立刻分享出去讓更多人知道吧！