楊冪單拖慶中秋陳柏宇做老竇陳凱琳鄭嘉穎婚後首次出Trip

娛樂 09-25

剩下我的回憶里

丁可欣

00:00/03:55

今日快報

P圖過度定系？激瘦卓林曬疑似曬婚戒

藝人吳綺莉女兒吳卓林嘅女友Andi早喺今年6月，忽然喺社交網嗌卓林做「fiancee」（未婚妻），唔少網民都問佢哋系咪訂咗婚。到咗今朝，身在加拿大嘅卓林曬自拍，並寫道：「I know who you are. I know you know what happened.（我知道你是誰。我知道你了解發生了甚麼。）」雖然唔知佢指嘅系邊個同發生咩事，不過自拍中佢就明顯大曬左手無名指上嘅戒指，加上剛好加拿大系其中一個同性伴侶結婚合法化嘅國家，不禁令人聯想到佢同「未婚妻」Andi系咪已經逵入人生另一個階段。

另外，卓林又曬出另一張自拍，相中佢激瘦現身，手臂勁幼，連本身有啲肉地嘅面形都忽然變尖，鎖骨凸出，真系我見猶憐，唔知佢到底系P圖過度「整瘦」自己，定系真系咁生活困苦，瘦到見曬骨呢？

余文樂飛法國前為老婆賀壽　王棠云：幸福的我

余文樂去年12月娶妻，成功將台灣模特兒兼演員王棠雲（Sarah）私有化，今年五月更榮升人父，囝囝Cody出世後，樂仔不時都慈父上身，在社交網貼湊仔照。噚日系Sarah 30歲生日，由於老婆生日要飛到法國工作，樂仔前日特別為老婆喺台灣搞咗個驚喜生日會，仲喺社交網貼蛋糕相及留言冧老婆：「你的生日我會在飛機上，先跟你說生日快樂，希望你喜歡提前為你慶祝的生日。」

樂嫂Sarah今日喺Ig貼咗當晚嘅生日飯相片，包括樂仔手抱囝囝Cody，同王家上下影嘅大合照，另一張就系兩公婆嘅甜蜜合照。而Sarah返台灣娘家慶祝生日後，噚日已經返回香港，樂仔家人就接力同佢慶祝生日，齊齊去食雞煲。

雖然老公唔喺身邊，但Sarah依然笑得好開心，仲留言話：「幸福的我，有老公精心準備的一切，有姐妹無敵助攻，有家人提前給我驚喜慶祝，回到香港也有家人幫我慶祝，還有生日雞可以吃，讓我在香港也不孤單，謝謝大家這樣對我，真的滿滿的感謝。」佢又話：「現在就希望生活簡簡單單，懂得知足就會快樂，珍惜身邊每位真心相待的家人朋友，然後小孩平平安安健康長大，謝謝每個愛我的人。」

特別報道！蔡雪瑩再做新聞主播

由型男張智霖、薛凱琪等主演的網劇《蝕日風暴》已於「黃Viu煲劇平台」上架點播，並落重本為劇集作宣傳，電視台在銅鑼灣搶眼位置吸引路人行注目禮，更請來前新聞主播蔡雪瑩重回主播枱拍攝二次創作短片，以「一則特別新聞報道」為題，穿插大量劇集畫面及花絮炮製成一則「新聞片段」安排在銅鑼街頭熱播。據知，《蝕日風暴》開播兩日已開紅盤，成為「黃Viu煲劇平台」開台以來開最高收視的港劇，成績驕人。

感覺唔同曬！陳凱琳鄭嘉穎婚後首次出Trip

藝人陳凱琳孖住老公鄭嘉穎、衛詩雅、馬思純到義大利出席米蘭時裝周，二人婚後首次以夫妻檔出席外地活動，鄭嘉穎笑言抱住旅行的心情開工：「我冇嚟過米蘭，呢次系新婚後首次一齊出trip，所以感覺好唔同。（想唔想做模特兒行騷？）真系冇諗想過喎，其實我之前系有去過巴黎睇騷，但行騷就未試過。但如果有人夠膽搵我的話，我都會夠膽嘗試！」陳凱琳表示除了睇騷外，更造訪了品牌博物館，有另一番感受。

衛詩雅就揚言將瘋狂Shopping，實行寓工作於娛樂：「今次系第一次出席米蘭時裝周活動，所以真系好興奮，出發前一直諗要著咩衫出席活動！今次現場睇騷真系大開眼界，好興奮！我都同經理人講咗，完騷之後要畀時間我去古迹參觀之餘，仲要留時間畀我Shopping，所以都預咗大出血。」