馬國明：申請唔去頒獎禮李佳芯有信心攞視後成龍與「小龍女」合作拍戲「再續前緣」

娛樂 09-26

認真如初

陳柏宇

00:00/04:15

今日快報

同庄思明激咀！王君馨唔話畀老公知

藝人黃智賢、王君馨、麥明詩、關禮傑演出的劇集《是咁的，法官閣下》是今年台慶劇之一，在將軍澳電視城舉行TVB POWER「戲劇最強好戲連場」播出片花，王君馨與庄思明在餐廳凍櫃有一場激咀戲，SheShe味濃，王君馨受訪說：「拍嗰場戲好凍，但系場戲就好熱情，第一次咀女同事，因為同庄思明熟所以冇咁緊張，大家都希望一Take過，最後一Take過拍完，之後都短訊楊明贊佢識揀，庄思明口感一流。」她指劇中與黃智賢飾演新婚夫妻，有不少親熱場面，問到老公看到會否嬲？她說：「我都冇同佢講，佢都唔睇電視，應該過咗佢都唔知，唔使睇喇。」她又指有場在超市拍攝的咬耳仔親密戲，因現場有不少人圍觀，拍攝得相當尷尬。而麥明詩與黃子恆在劇中淡淡的愛情與現實的性格相反，她笑謂演繹也有難道，是耐性的考驗。

麥明詩講中秋餘興節目　陸浩：你媽咪知唔知

麥明詩、馮盈盈日前於節目《#後生仔傾嚇偈》中，大談中秋節話題，身為前港姐冠軍的麥明詩，果真「坦蕩蕩」，笑談曾經有一年的中秋節目是「打茄輪」，她謂：「記得初戀拍拖系七月幾嘅時候，當時十七歲幾，咁我哋過嘅第一個比較浪漫嘅節日就系中秋節，當日去咗公園度點蠟燭，但最後成晚都系打茄輪。」在旁的陸浩明登時嘩然，馮盈盈則食住月餅，好淡然地說：「好正常啫，唔系唔知呀。」陸浩明繼續發問：「咁妳媽咪知唔知？」

麥明詩笑言：「當晚同屋企人食完飯先出去，我媽咪仲問我使唔使著靚啲，當晚我記得仲錫到好多人睥住我哋，因為嗰度好多人點蠟燭好光。」麥明詩同馮盈盈都算是史上「最坦白的港姐」，有啲網民贊佢直率，認為系好平常嘅事，有啲網民就dislike，節目果然夠話題性呀！

成龍與「小龍女」合作拍戲「再續前緣」？

國際巨星成龍被傳將與李小龍女兒李香凝（Shannon）合作拍戲！據報道二人將於一部未命名的荷里活動作片中初合作，除了二人之外，還有曾與李小龍於《猛龍過江》合作過的荷里活動作巨星羅禮士（Chuck Norris）以及有「印度史泰龍」之稱的印度動作巨星Tiger Shroff助陣。據知擔任監製的Lawrence Kasanoff最近就飛往孟買最後遊說Tiger參演。

婚前同居！陳展鵬入紙娶單文柔住址一樣

41歲藝人陳展鵬宣布將與年輕13年的單文柔（Phoebe）結婚，更於本月10日公開一系列於英國拍攝的結婚相，隨後公布將於下月舉行婚禮。兩人近日為籌備婚禮忙個不停，更於20日入紙登記註冊結婚，擬結婚通知書正式曝光，通知書上發現二人登記地址一樣，可見已進入同居生活。

冧庄攞視帝？王浩信：唔抗拒獎項

無線在將軍澳電視城舉行TVB POWER「戲劇最強好戲連場」記者會介紹三套無線五十一周年台慶劇包括《跳躍生命線》、《是咁的，法官閣下》、《兄弟》及三套即將推出的重頭劇《白色強人》、《鐵探》、《多功能老婆》。

王浩信、楊明、朱晨麗、劉穎鏇演出的《兄弟》在台慶劇中最強最有睇頭，問到可有信心冧庄視帝？他說：「唔敢諗，我又唔覺得系最強，仲有好多套重磅劇，要等出咗街睇觀眾鍾唔鍾意，支唔支持，希望套劇攞『最佳劇集』獎項。」問到恨唔恨再冧庄視帝？他笑說：「一路都唔抗拒獎項，希望畀到觀眾新鮮感。」

冇視帝做點算好？馬國明：申請唔去頒獎禮

TVB POWER「戲劇最強好戲連場」記者會介紹到馬國明、李佳芯、唐詩詠、張曦雯演出的重頭劇《白色強人》，去年與視帝擦身而過的馬國明被問到今年可渴望攞獎？他笑說：「想要錢多啲，希望公司聽到，錢實際啲，我唔系網民所講咁佛系，今年我都冇劇，《宮深計2深宮計》我都唔知自己系主角定配角，不過冇失望，可唔可以申請唔去頒獎禮，出去搵錢，冇獎品梗系要獎金，我嘅目標好清晰。」

李佳芯有信心攞視後

問到李佳芯可有信心憑演出的劇集《BB來了》封視後，她說：「一定要對自己有信心，因為咁辛苦拍完一套劇，到時就要睇嚇時勢、公司，呢啲冇得計算。」馬國明笑謂獎得一個，若果人人有獎金就皆大歡喜。此外，馬國明早前與女友黃心穎去蘇梅島旅行，他笑謂為女友操刀影相，雖然還有被鬧拍得不好，但已經有進步，此行亦沒有談婚事。