吳卓羲內地劇6年冇得播肥媽自揭11歲第一次朱茵拍真人騷原因系…

娛樂 09-28

當年情

張國榮

00:00/04:16

今日快報

退選港姐Mandy曬巨鑽宣布結婚

曾面試《2015香港小姐競選》、「弗版楊洛婷」之稱嘅Mandy，當年一亮相即驚為天人，樣貌與身材都無得輸，被喻為高質佳麗，可惜最終因為面對太大壓力而退選。不過佢有好消息話畀大家聽，佢要結婚嘞。Mandy喺社交網公布喜訊，見到佢喺浸緊風呂期間，男友拿出戒指向佢求婚嘅相片，著住三點式泳衣嘅佢開心到雙手掩嘴，仲曬出一隻好大粒、好閃嘅鑽石戒指，真系好幸福呀，Mandy仲用英文留言表示「男友系佢另一個自己，大家有相同價值觀、興趣和性格，仲話要學習點樣去做一個好妻子。」相片中仲見到佢哋喺雪山下、鐵塔下咀嘴，真系愛意滿瀉。

夢想成真！岑麗香去米蘭睇騷：成個小妹妹咁

藝人岑麗香（香香）出席護膚品品牌活動，佢話啱啱米蘭返嚟香港：「去咗五日，我系第一次去，我大學第一個學位喺讀時裝，嗰陣十幾歲好想去，終於夢想成真，仲要睇騷坐第一排。當我知道可以去睇騷，真系好期待，去到覺得自己成個小妹妹咁，夢想成真，大開眼界。」

問到佢有冇帶定多幾套戰衣去睇騷？她說：「品牌嗰邊會有衫提供，都有影相畀老公睇。」咁有冇買嘢買到破產？她笑言：「咁又無破產，有落手。（買畀老公定自己？）兩樣都有，但買畀自己多少少。（買咩？）衫同手袋，嗰邊價錢抵少少，作為一個負責任嘅消費者，我系會格價。」

香香話咗買嘢之外，今次食義大利菜都食到驚：「食咗唔同嘅Pizza。（有無肥到？）有少少呀，但啲人話唔會即刻肥。我哋去到當地嘅最後一日，夜晚嗰陣都有特登搵番中菜食，我哋叫咗個鮮蝦蒸餃，但佢系用燒賣嘅皮，入面有啲蝦咁。（食嫌咗Pizza？）我諗我要隔一排先可以再食。」

從未慶祝！陳慧琳聞結婚10周年勁驚訝

歌手陳慧琳（Kelly）以「十一良心消費運動」大使身份在尖沙咀出席活動啟動禮。Kelly將結婚十周年，問到她怎樣慶祝？完全忘記周年紀念的她驚訝說：「十年？十年喇？咁要慶祝嚇喇。（唔相信咁耐仲覺得新婚緊？）都系?，好怕丑添，ok嘅感覺都系甜蜜。」Kelly又自爆過去也從未慶祝過結婚周年笑說：「我哋呢對夫妻太懶喇。」

分享保鮮秘訣

問到婚姻如何保鮮，她表示：「互相尊重，唔好嗌交囉，想鬧人嘅時候就閃開冷靜咗先，因為怒氣沖沖都會亂噏一啲傷害人嘅嘢。（老公凼番你先？）互相，有時冷靜咗幾日，大家都忍唔住笑，笑番就冇事啦。（老公會唔會有驚喜？）唔會啦，記番起上年有朋友提起過，我哋都話唔會搞喇，或者自己喺屋企搞得啦，同小朋友一齊慶祝。」

同仔仔一齊整Pizza

此外，Kelly笑言帶備現金準備到現場的社企掃貨，亦認為可以出力幫助單親家庭自力更生，Kelly說：「自己都學緊整麵包，雖然第一次失敗，整出嚟好似石頭咁，但系都會慢慢上網研究嚇。同啲仔就一齊整Pizza，佢哋鍾意食，有人教所以成功。」

謝芷倫被消失！網民擔心離開《愛．回家》

處境劇《愛．回家之開心速遞》好評如潮，其中飾演「Mandy」嘅謝芷倫（Jan）同馬貫東嘅感情線亦深受觀眾喜愛。不過，日前劇組出席活動時，有網民就留意到台上嘅布景板唔見有Jan嘅身影，相反，除了「熊氏」一族如呂慧儀、許家傑等角色「板上有人」，馬貫東自己一人都有份，咁點解系Jan冇咗呢？網民都即刻紛紛喺討論區留言戥Jan唔抵，覺得應該加番佢落宣傳照，更有人表示驚Jan系準備離開劇組而「被消失」！

雖然網民反應熱烈，不過Jan心情就未有受到影響，佢仲喺社交網大曬當日活動花絮相，仲留言分享同台下觀眾互動嘅趣事：「話說當天有個小女孩好喜歡我條裙，話系公主裙，要爸爸買畀她。」

爆阿女嫌棄黃貫中！朱茵拍真人騷原因系…

女星朱茵到銅鑼灣出席主演驚栗片《古宅》首映，老公黃貫中亦前來捧場，恩愛到爆。問到朱茵是否因為恐怖片所以沒有帶女兒黃鶯睇首映？她說：「佢今日見到啲飛，都問我有冇佢份，我話冇你份呀，因為你系小朋友囉。」

再生多個？

朱茵指女兒最愛吃醋笑說：「如果畀佢知道喺戲裡面做人哋阿媽，佢會好大打擊，平時抱人哋啲BB都唔得，佢睇過我啲綜藝節目，覺得我畀人蝦，佢喊咗出嚟，驚影響佢弱小心靈。（生多個陪佢？）呢啲睇天意、緣分，發覺所有計劃都系冇計劃，隨緣啦。」

囡囡同爸爸關係轉好

講到早前他們一家三口拍攝內地真人騷節目，但有指播映受阻要延期，她說：「唔清楚幾時播，我哋都好期待上映，好想睇我老公點樣湊女，覺得好有趣。（傳一千萬酬勞？）呢啲你問番公司，無論幾多錢都好，我覺得系好難得嘅紀念，其實拍之前爸爸同個女關係未有依家咁好，佢會畀個女嫌棄，但自從拍完真人騷，佢睇到爸爸嘅偉大，就好信任爸爸，同埋有乜好得過湊女、成長過程有成隊team全程拍住呢，我覺得呢個系我哋好重要嘅memory。（有人覺得節目消費小朋友？）我只可以話好期待去睇，其他就唔系我可以答到任何嘢。」

吳卓羲內地劇拍咗6年冇得播

近年不少內地劇及綜藝節目風靡全國，日前有內地媒體指每年共有約15,000集的內地劇集出產，但指電視台每年只能播出約8,000集的劇集作品，導致產能過剩，有大量劇集未能如期播放，變成倉底貨。同時，網上亦流出一份列出疑滯播劇集的名單，有指由藝人吳卓羲與內地女星唐嫣主演的劇集《格子間女人》，已存放高達6年仍未播出。除此之外，大批影視紅星，包括秦嵐、劉濤、劉詩詩、關曉彤等都仍有拍完的劇集等待播放，亦有傳部分劇集為求回本，已轉向網上播放。

爆過馮盈盈！肥媽自揭11歲經歷第一次

麥明詩、馮盈盈主持的節目《#後生仔傾嚇偈》，日前，請來肥媽做嘉賓，肥媽未知是否受到兩位主持的「敢言」影響，亦大玩「爆料」，她指自己11歲幾已經歷初戀，令在場人士嘩嘩聲，肥媽氣定神閑表示：「嗰陣時嘅初戀系有人追咁解，唔似依家咁，識得個一、兩日就話過夜。」肥媽還直言一向多人追，高峰期更試過同一時間有七個男友：「我40幾歲第一次離婚之後，曾經有七個人追我，要搵秘書幫手安排約會?！」在旁的馮盈盈聽完肥媽的情史，都不禁大叫「犀利！」