麥明詩教馬國明試招　陳展鵬孖單文柔同居試婚？　湯洛雯因講錯一句嘢被襲擊

娛樂 09-28

今日快報

香港第一人！楊正軍發布水底拍攝作品

潛水高手兼藝人楊正軍現時主力做潛水教練及水底攝影的工作，最近他創作名為The Mask水下舞蹈作品，糅合潛水及舞蹈，難度極高，拍出來的效果亦非常唯美！正軍說：「這是我從剛剛接觸水下攝影的時候，就一直想嘗試的題材，因為我覺得水下攝影不單單是拍攝水下生物，也可以表達其他題材，我真的很高興可以完成這個作品，因為拍攝的時間其實不長，只有三天的時間，主要是花了一個月的時間做前期準備，所以當這個作品能發布時，我真的很感動，就像自己的孩子出生的感覺！而據我所知，這個應該是香港第一個水下作品！」

他表示作品最大的難度在於跟Dancer的溝通和拍攝，因為拍攝地點是在台中，全亞洲最深的泳池，深度比一般泳池更深，所以Dancer在水下的時間比較短，而水下的環境有各種不方便，例如音樂播放雖要有防水功能的手機套去播放音樂，而音量又比較少，所以拍攝的難度大大增加，幸好拍攝時得到各方面的配合，才能順利完成，他說：「其實完成這個作品只是第一步，之後也會拍攝水下的微電影，到時候整個畫面跟故事就會更豐富。」

湯洛雯因講錯一句嘢被襲擊…

藝人湯洛雯（靚湯）雖然貴為宅男女神，但原來都有食檸檬嘅時候，仲要系畀只狗仔請佢食！呢日，靚湯喺社交網上載一條短片，片中佢抱住一隻狗狗，當佢哄埋只狗狗度嘅時候，狗狗竟然出爪襲擊女神，嚇到佢花容失色，場面驚險又搞笑！靚湯留言話：「佢真系好憎人講『我嘅我嘅』，大家小心小心，以下片段經過專人訓練，千祈唔好學！」原來靚湯系講錯嘢先至受襲嘅，心痛死一班男士啦！

冇余詩曼？麥子樂恨同兩大女神合作

剛加入古天樂公司的麥子樂，稍後將投入新劇的拍攝工作：「詳情未講得住，不過系講我溝女嘅，亦有沖涼戲，（尺度點？）露上半身啦，唔通沖涼著衫咩？（你接受裸露去到乜程度？）冇喎，最繄要拍出嚟效果點啫。（畀你揀想同邊個合作？）徐若瑄，不過佢變人妻未必再拍嘢，鍾楚紅啦！我冇所謂嘅，我只系拍過7、8部電影，系影圏新人，個個都想合作。」

他早前主演的同志電影於同志電影節播放，反應不錯令他相當高興：「依家傾緊上正場，希望可以多啲人睇到。」

帶黃心穎游鬼屋催情　麥明詩教馬國明試招

藝人麥明詩（Louisa）、馬國明與羅蘭到港島區為萬聖節活動擔任嘉賓，Louisa早前與「龍婆」羅蘭拍廣告化身機械人，她笑言：「呢個角色好啱我，因為好多人都話我冇乜表情，今次拍攝好得意，可以同羅蘭姐扮到好似姊妹咁。其實拍攝時好多嘢都冇，系後期加上去，當時羅蘭姐中氣十足咁撲埋嚟，我都嚇一嚇，佢幫咗我入戲。」而羅蘭則已是第九年參與拍攝，要多謝市民們喜歡她。

搵三個人擋鬼

問萬聖節會否有結伴去鬼屋？Louisa笑說：「睇下邊個得閑，不過唔會同父母去，怕嚇親佢哋。我諗都會有幾張飛，或者我招募嚇啦！（應該好多人肯？）我要搵夠三個，三個方位幫我擋鬼！」

另外，問馬國明會否與女友黃心穎同游鬼屋？他笑言：「同朋友去啦！（嚇到攬住你？）男仔都系想咁！（試過？）幻想嚇，現實冇啦，今年睇嚇點啦！（或者佢唔驚？）咁我扮驚囉，要有人驚先好玩！」

Louisa聞言亦笑說：「啲人話一齊經歷驚嚇，荷爾蒙會釋放出嚟，可以增進感情，呢招Work喎，唔使再得個噏字！」連羅蘭亦忍不住催馬國明「試招」，馬國明不敵兩位女士狙擊，只笑說：「試嚇啦！」

孖單文柔同居試婚？陳展鵬咁樣講…

藝人陳展鵬單拖出席活動，對於擬結婚通知書曝光，發現與未婚妻單文柔登記地址一樣，他說：「唔系嘅，入紙時要寫低個地址做聯絡，唔系代表啲咩。（你幾時入紙?？）我都唔知，交曬畀律師做，佢有經驗，適當時候會入。」問到是否同居試婚？他說：「咩年代？呢個系好嘅電影題材嚟嘅，其實最緊要相處舒服，個地址真系唔代表咩。」

他去年擲千萬以媽媽名義購入將軍澳一個單位，問到婚後是否跟夫妻跟母親同住？他表示這問題涉及私隱，現在最重要是先搞好婚禮。據知將於10月13日擺酒，他說：「落實曬一身輕先講，預計系10月中，其實都派咗貼畀朋友，要問到都唔難。」問到婚後的家務分工，他笑言兩人誰有時間就誰做，若兩人都忙，就猜包剪揼決定。

粵劇名伶吳君麗離世　享年84歲

粵劇名伶吳君麗今日黃昏離世，享年84歲。譚炳文女兒譚淑瑩收到契媽呂林志嫦通知，而資深藝人丁羽亦指收到大律師朋友李偉民通知。而與吳君麗合作多年的拍檔胡楓接受訪問，他說：「早兩日系探過佢，佢當期時喺瑪麗醫院，佢系病重，但咩病就唔知，我喺迎月嗰日去探佢嘅，佢當時瞓緊覺，到第二日中秋嗰日再去探佢，我見佢仲擘大眼，我有問佢認唔得認得我，佢只系眨咗一下眼，我見佢個樣好精神，唔系暴瘦，佢家人都同我講：『喺呢幾日?啦。』所以佢過身，我唔系好愕然。」