超有愛！美國75歲阿伯，每日陪貓瞓覺爆紅網路！

原標題：超有愛！美國75歲阿伯，每日陪貓瞓覺爆紅網路！

各位貓奴

平時會陪主子瞓覺嗎？

每當主子走埋嚟

安安靜靜瞓喺你身邊

感覺係咪特別冧豬？

不過對於嗰D受過傷害

被人遺棄嘅貓貓

要瞓喺一個人身邊並唔容易

Safe Haven Pet Sanctuary

係一間美國動物收容所

呢度收留咗各種貓貓

有熱心嘅貓義工

會過嚟陪D貓貓玩

名副其實義務擼貓

其中一位貓義工

75歲嘅Terry伯伯

最近因為陪貓瞓覺爆紅

佢每次嚟收容所

都會擼貓3個鐘左右

間中會瞓個晏覺

貓貓就會爬上去佢個身度一齊瞓

畫面超有愛啊

收容所將佢嘅事迹擺上網

引起勁多人討論

仲因此籌得3萬美金捐款

原來Terry好鐘意擼貓

日日都嚟擼貓

所有貓都摸過曬

而且知道貓貓嘅喜好

雖然佢成日都瞓著

不過貓貓需要佢

後來Terry伯伯知道自己紅咗

覺得相當震驚

而收容所都同樣感到震驚

網民覺得好warm

話未見過D貓咁安心瞓覺

其實我哋身邊

都有好多流浪嘅貓貓狗狗

假如可以有呢類型動物收容所

大家可以聚眾吸貓之餘

又幫助到小動物

你話幾好呢！

喜歡這篇文章嗎？立刻分享出去讓更多人知道吧！