TVB又變卦！《十二傳說》今年播出無望？半路殺出「隱藏版」台慶劇？

由蕭正楠、林夏薇主演的TVB新劇《十二傳說》本身原定在8月12日正式首播，但因為要遷就星期一至日播出的《延禧攻略》，所以要延期至《延禧攻略》完全播畢後才可以在周日檔期出街。

不過，最近有消息指《十二傳說》又要等多陣先播得，因為TVB再度變陣，將劇集變做星期一至五播出，由原來的每集2小時共12集的內容，剪成每集1小時共25集，成件事唔同曬。

《十二傳說》監製黃偉聲接受訪問時確認相關消息，更指劇集要等2019年才會正式出街。提到劇本原本為周日時段度身訂造，問更改成星期一至五播出會否好大影響？監製說：「OK嘅，雖然原先系12集12個單元，但因為人物、故事都系連貫，所以影響唔大，同埋而家轉咗喺黃金時間播，點樣計都系一件好事。」

至於《延禧攻略》播完後星期日會有咩睇？TVB內部消息指之後的周日會先播一些電影，到11月25日才播出關樹明監製、劉佩玥和胡鴻鈞主演的青春劇《救妻同學會》。

《救妻同學會》監製關樹明接受訪問便指方向大概如此：「其實未收到公司嘅正式指示，但佢哋系希望可以喺11月尾至12月頭出街。」提到劇集仍在拍攝當中，預計10月尾才正式煞科，整個過程非常趕急，他說：「系好趕架，不過台前幕後都會儘力配合公司要求。」

雖然監製關樹明口裡說不指公司從來沒有明言，但TVB這次變陣卻實際地令《救妻同學會》成為「隱藏版」台慶劇，事關劇集在11月19日台慶騷後播出，與星期一至五播的正版台慶劇《兄弟》各佔兩個時段。

而其實《救妻同學會》本身亦甚有賣點，它是TVB近年少有的青春偶像劇，更以大量後生靚仔靚女擔任主要角色，包括劉佩玥、胡鴻鈞、朱智賢、伍富橋、黃庭鋒和黃美棋等，當中出名靚仔又好戲的李任燊更是首次在TVB劇集中演出，除了大學宿舍生活，更有平行時空元素，絕對有望超級《四葉草》系列。

胡鴻鈞、劉佩玥

朱智賢、劉佩玥

黃庭鋒、李任燊

黃美棋

蔚雨芯

劉溫馨、譚永浩

歡迎分享至朋友圈

部分來源：香港01

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！