樂瞳身穿紅色低胸裙現身，大曬兩吋事業線，明艷照人！

藝人樂瞳近年愈來愈Fit，不時在網上平台曬泳裝照，大騷玲瓏浮凸身段。日前她到澳門出席美容纖體產品品牌開幕慶典，更與模特兒梁安琪進行開幕儀式，身穿紅色低胸裙的樂瞳大曬兩吋事業線，明艷照人！

樂瞳表示平日會跑步、做瑜伽及游水Keep Fit，亦會選擇方便有效的健康補充品，減少吸收多餘的卡路里，促進新陳代謝，她說：「我平時比較懶，都想搵到有效快捷嘅產品。護膚同減肥都一樣，你要知道自己缺乏啲咩再去補充番，例如我屋企有啲瘦身啫喱，有時減肥會好肚餓，就用代餐頂肚。」為食的她表示近年變得更注意飲食，不會暴飲暴食，會細心挑選「有營食品」。

講到減肥血淚史，她直言試過太急速減肥影響情緒，更試過暈倒：「以前試過準備拍廣告好大壓力，想好快減到肥，就試嚇果汁排毒法，連飲十幾日，期間冇食其他食物，之後撞正生理期，我嘔同暈，阿媽拎桶畀我都拎唔切，我就眼前一黑暈咗。可能我體質唔受得咁涼，前排我check到子宮有朱古力瘤，所以飲果汁排毒真系太寒涼。」

喜歡這篇文章嗎？立刻分享出去讓更多人知道吧！