年頭做直腸癌手術！52歲林利拍劇休克送院！

今年52歲的林利，年初爆出患直腸癌第二期末期，手術後幾日他還帶病上陣為音樂人黎小田演唱會做嘉賓。

昨日他為無線拍攝新劇《殺手》，下午二時左右他拍攝一場打鬥戲，突然休克暈倒，因頭部落地撞穿了，無線急送他入院縫了幾針，事後他已回家休養。

林利透過電話回復記者，聲線明顯有點攰的他說：「啱啱喺醫院返嚟，今朝我凌晨4點出門口，返到公司就化妝，六點左右開始拍，去到下晝兩點我突然休克，佢哋Call白車送我去醫院，嗰幾分鐘我完全冇曬記憶，喺急症室半個鐘到先記得返嘢，因為個頭撼落地穿咗，流咗少少血，醫生幫我縫咗6針，之後做咗腦掃描，又照咗心電圖，但完全正常冇事，醫生主要話我休息不夠。」

他表示劇中他飾演殺手中的殺手，是武林高手，當時他跟一班殺手打鬥，陳豪雖然在場，但兩人沒有對打戲。無線體諒他，這幾日都會讓他放假休息，他說：「最快下星期先開工，廿幾號我仲要去台灣拍外景，要拍成個月。」他指劇組一直都好照顧他，但明白不能遷就得太多。

他透露自從大病做完手術後，本應好好休息半年，因為元氣大傷，體力系差：「但我自己唔聽話，一路都冇停過。（做乜咁搏？）搏殺嘛，機會唔等人，而我最近演嘅角色都唔系輕嘅，好多動作又反派，用咗好多情緒，瞓得唔夠，始終大病過後，系要長時間調養嚇身體，因為中氣都未復元。」他坦言完成《殺》劇拍攝後，他會慢慢減產。而《殺》監製陳維冠表示林利並沒有大礙，已經出院休息，他將會休息一段時間才到台灣開工。

歡迎分享至朋友圈

來源：東網

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！