視後之路好難捱！楊怡七情上面企兩邊！

大家每晚都會喺熱播劇《再創世紀》度見到楊怡，現時貴為花旦嘅楊怡1999年中五畢業後就加入第13期無線電視藝員訓練班，不過佢入咗無線之後，唔系一步登天擔正做女主角，入行初期嘅佢都有試過做路人甲乙丙，不時穿插喺劇集中，呢日TVB facebook專頁就上載一條名為「楊怡視後之路！！」嘅短片，重溫番佢當年跑龍套嘅日子！

喺1999年嘅《雙面伊人》中，楊怡演護士，但只系遠鏡飄過，要用放大鏡睇先知系佢，最正系呢套劇佢仲有另一個身份，就系電視台女主播，一人分飾兩角。

之後楊怡有機會拍古裝劇，飾演小尼姑企喺惠英紅後面，雖然冇對白，但表情交戲。

到咗《騙中傳奇》，楊怡終於有對白啦，佢喺青樓擔任妓女，仲同錢嘉樂有對手戲，嗰一幕就系講述佢唔小心用酒淋濕錢嘉樂件衫，當時楊怡交七情上面，話曬臨時演員都系演員嘛！

之後到1999年嘅《創世紀》，飾演玩具公司秘書嘅楊怡開始多咗戲，就算同視帝羅嘉良做對手戲，都一樣從容淡定。

到後來楊怡慢慢攀上女一寶座，再勇奪視後，真系步步艱辛，夠曬勵志！

歡迎分享至朋友圈

來源東網

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！