陳豪拍TVB劇《殺手》動作戲受傷，不叫陳茵媺幫手捽

藝人陳豪出席活動時，透露最近因為拍攝劇集《殺手》，當中不乏動作戲，加上角色所需，故要積極健身及飲奶粉練大隻：「上次拍嗰套就要減磅，減到一百六十幾磅，呢套就就要增磅，依家一百八十幾磅。我會盡量健身Keep住自己個狀態，人到中年，運動對身體好又可以回復青春。」

提到不少演員為拍《殺手》而受傷，他認為拍動作戲有損傷在所難免：「我都有傷，不過比起我以前拍電影嘅經歷系小兒科，我試過碌落山、瞓屎渠、畀神枱責、畀風扇車，再難都試過，同今時今日比系天壤之別，以前真系搵命博，依家安全為上，而且有鏡頭效果，可以將唔識打都拍到似模似樣，依家幸福好多。

（你點傷？）雙手雙腳都瘀。（叫太太陳茵媺幫你捽？）佢冇時間捽，捽完又瘀過。不過返到屋企有小朋友錫番就最開心。」他又透露稍後要到台灣拍取景，撞正小朋友學校假期，太太可能會帶三個小朋友一齊到當地。

喜歡這篇文章嗎？立刻分享出去讓更多人知道吧！