BOYZ開騷阿Sa喊到眼腫洪朝豐癌細胞擴散？亞姐赴韓集訓

娛樂 10-17

死性不改

Boy"z;Twins

00:00/05:47

今日快報

參觀天葬場　張筱蘭感嘆馬德鍾搵到自我

藝人馬德鍾與太太張筱蘭早前到西藏旅行，足足遊走了近三星期。他們穿梭西藏數千公里，名副其實是深度游。旅程最後一站，張筱蘭看完拉薩天葬場後，在社交網有感而發地說：「它們好像正悄然地告訴我們，其實人生是一趟有去無回的旅程，一路顛簸流離，苦苦追求的並非輝煌，而是一種淡泊和經歷……學會寬恕，就是學會順從自己的心，珍惜曾經擁有和現在以樂觀地迎接未來，人生就是一個快樂的凈土。」她說很高興老公拍完劇後，真正找到自己，選擇過自己喜歡的生活，所以兩公婆一同來到西藏走走。

馮德倫心血來潮曬舒淇頭貼頭合照

藝人舒淇及馮德倫2016年結為夫婦，一直都系低調過日子，鮮有一同現身，對上一次都已經系去年為電影宣傳面同台，就連兩人嘅社交網都幾乎見唔到對方蹤影，二人罕有聚頭更搞到亦不時傳出「分」訊！不過今日唔知系咩好日，馮德倫忽然喺社交網上載同老婆舒淇踲合照，雖然未有配上附文，但都夠一班網友慢慢J，勁多人實時留言大嗌難得。

二人喺相中Sweet爆頭貼頭，舒淇就用餐牌遮住半邊面，凈系露出對眼，不過都睇得出佢系素顏上陣，而馮德倫盲笑容十足，大曬溫馨酒凹仔。忽然咁高調曬合照，唔通系想身體力行以行動打破「分」訊？

感慨發文！陳茵媺大爆細女怪癖

藝人陳茵媺（Aimee）系出名嘅「曬娃狂魔」，佢不時都會喺社交網分享三個仔女嘅近況，呢日佢就發文大爆細女Camilla曾經有個怪癖，就系唔可以行樓梯！Aimee曬出一對仔女企喺樓梯嘅合照，並以英文留言指好開心佢哋終於大個，因為佢唔需要再孭住一大袋BB用品行成300層樓梯，佢仲話當時細女堅持唔可以喺唔平嘅路上面行，搞到佢要全程拖實細女，真系聽到都戥佢辛苦！

之後，Aimee再發文大讚仔女，原來佢哋除咗終於克服行樓梯外，仲好叻咁即使抽完血同打三支針，都完全冇喊、保持笑容，難怪Aimee即刻獎佢哋食朱古力啦！

好事近？陸浩明孖女友希臘曬婚照

藝人陸浩明（6號）同拍拖6年嘅女朋友陳詩欣（Ayan）一直表現恩愛，兩小口子仲經常甜蜜去旅行，最近兩人就去咗旅遊勝地希臘度假，連日嚟都有喺社交網上載靚相，相中佢哋仲著曬情侶裝，相當sweet！

6號突然喺IG story上載一張用公仔遮住一對準新人個樣嘅婚照，仲Tag埋Ayan個名留言問：「靚唔靚？」由於相中一對準新人嘅身形同6號、Ayan相似，所以就算遮曬樣，網民都猜測系佢兩個本人，仲話佢哋應該此行目的就系影婚照，唔通呢對金童玉女真系好事近？

不過，6號事後已否認婚事，仲話嗰對新人其實系日本情侶…睇嚟一班網民要大跌眼鏡喇！

亞姐赴韓集訓　林孜沫李芷菱想共享呢個男人

《2018亞洲小姐競選》香港賽區決賽冠軍梁雪瑤、亞軍張右雨、季軍林孜沫與「最上鏡小姐」兼「IG人氣大獎」李芷菱在尖沙咀出席手錶領獎活動。四位亞姐對稍後到韓國受訓表現興奮，原來她們也情迷韓星，林孜沫與李芷菱同樣喜歡李准基。林孜沫自言喜歡了對方十多年，在北京實習時更見過他：「我親口同佢講我愛你，佢之後攬住我影相，希望可以再見多佢一次。」李芷菱笑說：「我哋唔會爭，可以共同分享。」

四位亞姐又表示比賽後略為放肆吃東西，要開始Keep Fit準備到韓國集訓。梁雪瑤更透露比賽後病了，近日休息養病：「好彩決賽之後先病，可能比賽期間唔夠休息，隻眼發炎紅到好似殭屍咁。比賽後都放肆咗幾日飲食，依家要好好控制飲食，同埋保持健康身體。」張右雨也笑言比賽後放鬆了，所以未能忍口「偷食」。

癌細胞擴散？洪朝豐做完檢查咁樣講…

前DJ洪朝豐去年10月證實患舌癌，進行切除舌頭手術後，癌細胞又擴散至淋巴，再證實患淋巴癌，但他一直積極面對病痛，上月他右頸的淋巴核腫脹，懷疑可能是癌症複發。今日下午他見完醫生後回復說：「醫生話唔明顯系一個腫瘤，冇擴散到，算系一個好消息嚟！」

排期再睇醫生

他表示之前做了一個PET Scan（正電子掃描），將有輻射的葡萄糖水注入身體內，如果有癌細胞會吸收得快，但他右邊淋巴核對那些葡萄糖水並不活躍，他說：「雖然醫生講冇一個檢查系可以好精準，但一般傷風感冒，淋巴核唔脹唔痛，問題唔大，依家我淋巴核有1cm大，如果愈嚟愈大就要擔心，現階段唔系複發，反而發覺我小腸入面有啲細胞對嗰啲葡萄糖水有啲吸收反應，所以醫生再寫咗介紹信畀我排期去再睇。」

心情平靜

由於已經做了詳細檢查，醫生指他暫時唔需要抽活組織檢驗，今日則由姪女陪他去見醫生。問到心情如何？他說：「平靜，當然你問我開唔開心，系開心嘅。」目前他著手搞緊兩本書，其中一本是11年前已出過有關他的抑鬱狂躁症的書，他正補充資料整新版，而另一本是關於他的舌癌、淋巴癌，希望鼓勵、支持同樣患病的朋友。

BOYZ開騷阿Sa喊到眼腫：佢哋系一世嘅朋友

由關智斌（Kenny）和張致恆（Steven）15年前組成的BOYZ再度「合體」，在九展Star Hall舉行「Boyz The Unboxing Live」演唱會。BOYZ過去曾為Twins演唱會當過演唱會嘉賓，這次BOYZ首次演唱會，阿Sa（蔡卓妍）和阿嬌（鍾欣潼）當然來回禮，唱出《愛情當入樽》及《死性不改》，當Kenny感謝阿Sa和阿嬌當年請兩人做嘉賓，阿Sa亦感動到眼濕濕：「當我知道BOYZ開演唱會我系好開心，佢哋兩個系識一世嘅朋友嚟，而《死性不改》系佢哋嘅歌嚟，果排我哋成日聽到就搶咗過嚟唱。」

Kenny笑言:「好彩你哋當年唱一唱咋，唔系都唔會成為今日嘅Song List。」而阿Sa又贊Steven大個仔:「佢一直系我哋大眾細佬，但個樣就唔系囉，總之我今晚好開心呀，好「老懷安慰」呀！」而阿Sa講完就眼眨淚光，之後四人合唱《死性不改》，唱畢後四人互相送抱，阿Sa更被Kenny笑他喊到眼腫。