阿嬌為生B放棄事業？陳炳銓撐李佳芯奪視後胡定欣姚子羚疑裸浸

娛樂 10-19

我的宣言

周柏豪

00:00/04:37

今日快報

送水輝拉隊幫大小姐慶生　林淑敏高呼愛回家

「大小姐」林淑敏前日41歲生日，昨日她在社交網分享「愛?回家」生日派對相，因《愛?回家之開心速遞》一班演員包括「送水輝」許家傑、李偉健、岑杏賢、陳偉琪等，在拍劇期間替她搞了一個小型派對，並準備了精美的蛋糕。而呂慧儀更拉著她一起唱生日歌，「大小姐」留言：「我～愛回家！」大批網民除了送上生日祝褔外，更大讚台前幕後充滿愛，猶如一家人一樣非常親密，明白為何「大小姐」這麼「愛回家」。

自爆身體好差！余文樂：希望一切安好

藝人余文樂娶得嬌妻王棠雲，今年更升呢爸爸，不時在社交網曬囝囝的相片，理應生活美滿，但他在社交網上載密雲閉月的相片，並留言：「可能過去十幾年來實在面對太多壓力連自己都不知道，最近身體真系好差好差，經歷緊人生從未試過的事，希望一切安好可以平安無事」留言一出網友都紛紛留言安慰，著他照顧好身體！

續集冇得騷肌！梁烈唯為新角努力減磅

藝人梁烈唯（唯唯）之前到內地登台，台下粉絲反應熱烈，全場都跟著唯唯玩大合唱。之後唯唯又飛到北京，因為他有份參演的《是咁啲，法官閣下》將於優酷播放，故他與無線大伙兒齊齊出席優酷與無線的記者會，雖然行程緊密又辛苦，但唯唯都樂在其中。

談及邵氏網劇《飛虎之雷霆極戰》，他在上集《飛虎之潛行極戰》中飾演的奸角，演出相當有睇頭。唯唯表示今次的動作場面比上次還多，上次要騷大隻，今次角色就要偏瘦，故唯唯亦下了不少苦工去減磅。

曹永廉爭住性感！胡定欣姚子羚疑裸浸

無線藝人胡定欣、姚子羚、曹永廉及蕭正楠早前到瑞士為旅遊節目《兄弟姊妹去旅行》拍攝，雖然節目仲未見街，但係為咗畀啲甜頭觀眾，開設咗個社交網賬戶，上載當地影拍下嘅旅遊靚相同網民分享，而最新就曬出咗一張佢哋四個浸溫泉嘅合照。留言：「呢幾日涼涼哋，最啱浸個熱水浴」。

相中見到胡定欣同姚子羚齊齊騷香肩，有眼利網民就覺得兩女唔似著比堅尼，但系又見唔到毛巾嘅破綻，唔通裸浸？！向來冇嚟正經嘅曹永廉亦搞笑留言：「我好性感呀。」唔少網民表示好期待節目播出，不過大家要稍等一陣，12月先有得睇！

陳炳銓撐李佳芯奪視後：喺屋企睇頒獎禮

ViuTV節目主持陳炳銓（Danny）近日為節目《Good Night Show廣告女皇》任製片，他出席宣傳時大讚參賽者質素不俗，至今已漸見進步，期待她們再發掘自己獨特一面。

談到女友李佳芯有份參演的無線新劇《跳躍生命線》，Danny笑指會盡量抽時間捧場，對於女友成為今年視後大熱，他謂：「希望佢有機會中啦：（支持佢？）都支持，當晚頒獎禮我會喺屋企會睇嘅。（陪佢去現場？）仲使問！哈哈……（點同女友減壓？）佢都忙，啲期排到出年，一路接住落。（覺得佢演技有進步？）一定有，因為佢對自己認識多咗，發揮空間大咗。（會問你意見？）通常有機會都系一齊睇第二啲戲，喺嗰度分享，唔會講大家啲戲嘅。」

為生B放棄事業？阿嬌爆料系老公要求…

最近藝人鍾欣潼（阿嬌）孖老公賴弘國（Michael）參加大陸真人騷《爸媽學前班》，講到明系學做父母，加上二人婚後恩愛到爆，好多網友都狂催二人快啲生B！咁……如果阿嬌真系要生小朋友，仲要放棄事業，大家又點睇？

二人喺最新一集《爸媽》入面，賴弘國就勁贊阿嬌「有我看過亞洲五官是數一數二精緻的」，又誇獎老婆眼神清澈乾淨、勇敢、夠成熟等，贊到天上有地下無，不過呢啲都唔系重點。贊完老婆，賴弘國話題一轉，就提到生小朋友之後嘅生活，佢哋二人因為工作忙碌，雙方要有一人作出「讓步」，賴弘國謂：「我們倆的事業都很忙，誰應該放棄事業，或者誰應該放棄事業處理這個事情，這是我們之間比較大的問題……」聽到托曬頭嘅阿嬌就當眾衝口而出：「即系佢依家嗌我唔好做嘢……」嚇到賴弘國耍手擰頭，仲急急問埋專家意見，睇嚟二人對生B呢個話題都未有共識啵……