印佣偷竊再反咬！鄭敬基疑遭落降頭16年！

家佣事故又一單，歌手鄭敬基揭發僱用長達十六年的印佣偷竊，包括其訂婚戒指及母親首飾，念在多年賓主關係及對方突然中風，本不了了之，但反遭對方投訴剋扣工資，驚動駐港印尼領事館介入，鄭敬基惟有報警備案。

鄭敬基接受表示，印佣原定十月退休返回印尼，但八月初突然中風入院，本想儘快通知其印尼家人，在尋找聯絡資料時發現印佣偷去不少財物：「唔只首飾，仲有屋企好多嘢，佢喺唔同時分咁拎走咗，幸好對媽咪有紀念價值、重要嘅都贖得番。」問贖了多少錢？他說：「大約二萬幾蚊，但其實呢批贖得番嚟嘅首飾價值幾多錢，媽咪都系唔知，雖然好多人曾經同媽咪講想用高價去買，但我阿媽想留番畀啲孫。」

鄭家息事寧人放印佣一條生路，自掏腰包贖回失物及終止雙方合約，印佣竟向印尼傳媒指控鄭家剋扣其工資，引起駐港印尼領事注意，但最終相信鄭家所說，不過因發現當票要報警處理，鄭敬基表示曾經有三位警察上門調查及備案，而尊重鄭媽意願，只報警備案而不作追究，鄭敬基表示印佣早於十二年前曾偷取母親四萬元首飾，當年母親原諒對方及雙方協議及簽下字條，該四萬元分期攤還，每月扣薪一千元，故出現所謂「剋扣工資」事件。

鄭敬基說今次事件令年屆85歲母親不敢再請工人姐姐：「媽咪覺得工人姐姐同你十幾年，原來系咁精密，咁精明咁，媽咪擺咗一啲首飾好隱閉嘅地方都畀佢摷到出嚟，而我媽咪系啲唔系親眼睇見都唔會指證系偷嘢嘅人，我都好無奈，好激氣，因為我嘅訂婚戒指都系咁樣而唔見咗，（訂婚）三日前唔見過，太太戴住嘅都系好勿忙咁訂番，我再同太太話喺五周年時再訂過只。」

他又指很多長者都依賴家佣，當然要好感恩家佣的照顧，但要小心財物：「聽警方話有啲工人姐姐會攞啲首飾同其他嗰啲對調再攞去當，變咗有意義嘅財物可能未必可以贖番，希望每個人請工人姐姐，都能夠照顧到老人家外，都會負番啲責任收好財物，今次不只是財物，而系發生呢啲事覺得好唔開心，不過我媽咪依家開心番，精靈咗。」

至於發現家中有紅布木劍疑是落降頭物件，鄭敬基指母親信仰堅定，從來不擔心「降頭」之事，而他一家依然為印佣姐姐祈禱，祝她悔改，早日康復：「嗰個『紅布木劍』，我哋畀番幫佢執嘢嘅朋友，佢哋見到都彈開咗，不過個中介話呢樣嘢系祝你『身體健康』啫。」

歡迎分享至朋友圈

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！