難得有情人

 難得有情人

關淑怡 

00:00/03:44

今日快報

朱千雪爆男友少睇自己劇集：佢已太了解我

女星朱千雪（Tracy）日前現身馬場活動，她稱現場氣氛非常熱鬧，可與過萬人一起為心水愛駒打氣亦是一件樂事。談到運氣方面，她坦言：「我都有少少抽獎運，不過多數系安慰獎，大獎就冇我份。」Tracy透露曾經因拍攝旅遊節目，在澳洲學過策騎，在森林中踱步，初步掌握策騎技巧，並感覺像融入大自然般十分寫意。

講到感情生活，她大爆原來男友甚少看她所拍的劇集，她笑言：「因為男友已經好了解現實中嘅我，所以唔需要通過電視去加深了解，反而佢比較多留意我嘅訪問或者其他節目！」

工作方面，她正報讀法律課程，不少粉絲擔心她會放下演藝事業，她說；「我當然都唔捨得大家，由小到大自己都系一個普通人，冇諗過可擁有一班粉絲對我咁好。未來嘅事將來再算，目前最重要系先專心完成學位課程，因為我系一個不能夠分心嘅人！」再問到藝人與學生的生活，Tracy稱最大分別是做學生不用化妝，做藝人就要時刻保持最佳狀態，但要兩者兼顧必然有犧牲，但兩者又可以互相舒緩壓力，工作累了就放下藝人身份，讀書累了就變回藝人。

馬浚偉茹素不適入院檢查

藝人馬浚偉主持節目《同理．繼續走》晚上首播。為配合宣傳，他聯同大班受訪嘉賓到深水埗busking，期間大會推出蛋榚，為10月26日47歲生日的他補祝，場面相當熱鬧。馬浚偉即場演唱幾首勵志歌曲，並且不時介紹他14集節目內訪問的嘉賓，當中包括有癌症病患家庭、跨性別人士及唐氏綜合症者等等。他坦言：「我喺深水埗長大，基層出身。呢個世界有好多人活喺困難之中，人人生而平等，極其量只有壞人及好人之分。希望大家有同理心，大家傷痛過後積極面對生活。」

事後受訪時，提到生日慶祝活動，他感性表示：「前一日去咗拜媽咪，喺教會同神傾偈。依家我唔系咁想出街，本身太多嘢做，又要返學，明年公司又擴充，加上每晚10、11點自自然然想返屋企，所以即使多朋友約，我都推咗。」他笑言自己至親及老友其實全都在自己公司上班：「日日對住都悶啦。（冇私生活？）系喎。」

一個月前開始茹素的他，自爆期期身體不適應，曾入院作檢查：「好彩醫生話系我突然唔食肉，搞到血壓升高啫。（咁忙冇時間瞓覺？）計過每晚有四粒鍾。嚟緊我要舞台劇綵排及演出，四月公司開電影，跟住我會喺十月舉行暫定七場演藝學院嘅演唱會，依家開始傾緊巡迴，工作檔期排到後年上半年嘞。」

談到拍拖問題，他又打趣：「冇時間識女仔，但好多女仔嚟識我，我喺北大返學日日都有女同學及女老師等我放學，質素仲幾高嘅。（有乜生日願望？）一切平安、順利。」

吳君祥自稱爹哋為狗仔慶祝　江美儀回復：愛你愛你

江美儀喺今個月初自爆單身，暗指同吳君祥分手兩年，之後再被吳君祥爸爸夏春秋（冬叔）指兩人其實系離婚而唔系分手。之後江美儀喺節目度話，兩人緣份盡咗，似朋友多過似情侶，同吳君祥已經系獨立個體。

身邊冇咗情人，但就有好多狗狗陪住，江美儀今早喺微博為8歲愛犬Teddy慶祝生日，準備咗個有愛犬嘜頭嘅蛋糕同一個粉紅色汽球，江美儀留言：「繼續無冇憂冇慮做二世祖。媽媽都會應承你，多啲同你做運動?啦！」

變成朋友嘅吳君祥，就喺中午轉發前妻嘅微博，祝愛犬：「永遠健康平安的生活，每日開開心心過著你二世祖的日子！」至於下款，佢就用咗「Daddy」，留言話：「永遠愛你。」當然啦，都系同愛犬講嘅。而江美儀就以4個心心emoji回復對方，不過頭兩個emoji唔知點解出唔到，變成【愛你】【愛你】，令到兩人對話非常曖昧。

陳煒定欣大方合照闢謠　撞髮型似孖妹真冤家

藝人陳煒近日忙走新加坡、馬來西亞和香港三地，目的為年尾劇集頒獎禮拉票，期間又要趕返香港出席商業活動，笑言：「飛得密過空姐！」今天馬來西亞行程，終於遇上視後勁敵胡定欣，不過二人見面相當有默契，在台上互動，粉絲都為之興奮，同場更有李施嬅、黃智雯、袁偉豪和譚俊彥。

煒哥和定欣被指不和，定欣更為此要迴避拒拍《法證先鋒IV》。今次兩人「狹路相逢」，大方合照，定欣更輕逗煒哥下巴，表現有愛，由於二人齊齊束起All Back髮型，驟看似一對孖妹。至於定欣遲了會合大隊，是因為「家有喜事」，她受訪稱弟弟結婚：「因為做大姑奶！」

一王三後出巡！梁家輝「三陪」冧死女

影帝梁家輝與太太江嘉年向來恩愛，日前兩公婆撇下一對孖女，相約好友上山詩鈉及另一女友人於中環開餐。戲裡戲外冧女有一手的家輝，當日「一王三後」出巡完全冇難度，陪食、陪笑、陪行街瓣瓣掂！

日前下午2時許，戴住黑超的家輝拖住太太與眾女邊行邊傾，愈傾愈興奮的他動作多多，期間還傾到手舞足蹈，即使在搭扶手電筒梯，家輝依然雞啄唔斷，站在前方的上山及女友人亦忍不住擰轉身望著家輝，三女被家輝逗得笑到四萬咁口，期間一男友人前來會合，然後一行人步往附近餐廳醫肚。

眾人走到餐廳門外，家輝識做地主動埋櫃檯攞位，盡顯紳士風度！家輝進入餐廳後即除去黑超，然後繼續「吹神」上身，邊食邊傾講不停，眾女視線依然落在這位演得又吹得的影帝身上。一行人逗留約兩小時，家輝又搶先出去埋單，然後再折返會合眾人一同離開。

歡迎分享至朋友圈

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！

本站內容充實豐富，博大精深，小編精選每日熱門資訊，隨時更新，點擊「搶先收到最新資訊」瀏覽吧！

請您繼續閱讀更多來自 HKChannel 的精彩文章: