21年沒有拍拖！58歲惠英紅大方公開擇偶條件
娛樂
10-31
影后惠英紅早前得獎，經理人公司英皇娛樂老闆楊受成晚上特意為她於銅鑼灣設宴慶祝，公司一眾高層包括霍汶希亦有現身。
58歲的惠英紅受訪時坦言：「我嘅人生算係咁喇。（下一步想做乜？）結婚囉！」
她表示自1997年後，一直沒有感情生活：「朋友都有介紹，但個個都話我強。我本來係只波斯貓，但生到似獅子咁都冇辦法。（有冇遇過錯過咗嘅感情？）二十年前同個男仔拍拖1星期，佢身邊朋友同佢講：你女友好索喎！原來睇過我寫真。男仔個心唔舒服，講咗啲難聽說話，係我飛佢嘅。」
她又謂約於30多歲時，自己曾於旺角睇相：「嗰個相士嗰時好紅，細批都收5萬。佢話我要等到60幾歲先至遇到，但對方好好嘅，跟住我生活好逍遙，身邊又有個伴。當時我聽到，去咗附近公園爆喊，仲要等咁耐喎！（咁佢批啲嘢中唔中？）都准，好彩仲有幾年咋。」
記者笑指她眼角高，不過問到擇偶條件，她即澄清：「唔使有錢，好人就得，即使大肚腩有臭狐又點？或者你聞係臭，我覺得香呢？以前試過，只係遇到嘅對象都係話我強。」
