惠英紅下一步想嫁人！相親多次卻失敗，原因是……

三屆金像影后惠英紅（紅姐）日前獲行政長官林鄭月娥頒授銅紫荊星章，29日英皇老闆楊受成在灣仔英皇駿景酒店為其設宴慶祝，金牌經理人霍汶希（Mani ）等亦有前來到賀，大會更送上銅紫荊星章造型蛋糕，場面非常高興！

談到獲頒授勳章的感覺，紅姐坦言感覺與在電影頒獎禮上獲獎不同：我阿妹同我講『都算系咁』，我個感覺都系『都算系咁』，好似對自己人生有所交代咁。

問下一個目標，她說：嫁得出！（嫁個有錢人？）嫁個好人！就算對方有大肚腩、臭狐都冇所謂。

她直言一路以來都有親朋好友介紹男生予她認識，但見面後總是誤以為她是女強人：好似俾人判咗死刑咁！其實我都唔系好事業型女性、唔系咁強勢，有一次有人介紹我同個男性食飯，我好乖坐喺度，但我耳仔同眼都唔好，唔系好畀到反應對方，他以為我好Cool。系，我本身系做戲，我唔想喺人面前做戲，但我真系唔強，我系波斯貓嚟，只系生得似獅子。

提到21年的感情空白期，紅姐坦言之前曾經和一位男士拍拖一星期，分手原因是男方友人指自己睇過她的寫真集覺得好索，而男友又煞有介事地向她轉述這段說話，所以她深知對方心底里無法接受便主動提出分手：我30歲時去過睇紫微斗數，師傅批我60幾歲先有對象，老咗先有伴，我之後拎住本命書在公園睇到喊！

現在58歲的她便指希望師傅能夠批得中，讓她可以老來有伴。

喜歡這篇文章嗎？立刻分享出去讓更多人知道吧！