《大時代》丁家四蟹同框掀回憶，邵仲衡、陶大宇、郭政鴻、吳啟明聚會

經典是，無論幾多年後看，都系歷久不衰備受追捧。2015年TVB在深宵時段重播神劇《大時代》，92年的作品一樣引起追劇潮，連帶幾位劇中主要角色都翻HIT，當中飾演丁蟹囝囝的孝蟹邵仲衡乘勢復出幕前，孖住另外2隻「蟹仔」陶大宇、郭政鴻拍廣告，仲齊齊擔任阿爸鄭少秋演唱會嘉賓﹗

不過丁旺蟹吳啟明就早已轉行，拒絕重返幕前，雖然四蟹工作上再合作有難度，但四蟹同框呢日就實現啦，邵仲衡率先上載合照，見到久未露面的吳啟明戴上廚師帽著上圍裙，台上有幾杯紅酒四位把酒共歡。

原來呢晚飯局系郭政鴻安排吳啟明請客，陶大宇話：今晚好開心，四隻蟹仔終於可以重聚一起吃飯。多謝啟明請客，郭政鴻的安排……非常珍惜這一刻，實在難得、難得、好難得﹗

郭政鴻就透露原來呢間餐廳系吳啟明開設：四蟹飯局四兄弟齊人梗系要食豪啲啦﹗多謝三蟹丁旺蟹請客，啟明哥仲親自落廚在他的餐廳整嘢食，估唔到你的廚藝真系好正喎﹗仲要撞到老友Bobby，想唔醉都幾難，大家開心到爆裂﹗

睇返資料，吳啟明的餐廳位於中環九如坊，集中法日三地烹調，單系一碗飯已經嚴選3款米混合而成，晚市套餐約150元一位屬中價路線，頗受區內食客追捧。

喜歡這篇文章嗎？立刻分享出去讓更多人知道吧！