驚聞藍潔瑛離世消息，佢嘅經典作品又準備重播？

相信大家今日都聽到，

藍潔瑛離世嘅消息。

係一起身，

就連續幾個friend發畀可樂君。

可樂君嘅回復，

都係統一的震驚。

估唔到好耐唔見佢消息，

今次聽到嘅，

就係佢已經離世。

而佢離世嘅狀況，

又更加係好慘好可伶。

初步消息係話佢

喺屋企浴室猝死，

要係友人去探佢，

但冇人應門，報警。

哎………………

藍潔瑛年終55歲，

除咗可憐同可惜，

都唔知可以講乜好。

知道消息嘅一大半演藝圈

朋友，

都有感覺好shock同發文悼念，

但係，因為藍潔瑛孤身一人，

所以後事唔知點處理，

佢嘅影迷會都有呼籲，

需求幫助。

余安安係演藝協會秘書長，

佢話會盡幫。

回顧翻藍潔瑛生前，

港媒形容佢晚年生活潦倒。

佢亦經常被影到自己一個人喺街，

白髮又食煙。

呢個已經幾年前嘅事。

50歲未算晚年吧？

14年佢同媒體爆料，

話自己被影壇大佬性侵，

訪問嘅結尾，

佢仲講過好令人傷感嘅說話。

佢話：「我仲好恨拍拖，但愛情對我嚟講已經係奢侈品。依家唯一心愿，係死得好好哋，下世唔好再做人，做人無論精神同肉體上都好痛苦。」

睇得出，

佢真係受過好多苦難。

後來因為太多負面新聞，

喺2015年，

佢決定出來做訪問，

同梁榮忠一次過講嗮佢想講嘢，

亦畀觀眾睇睇佢宜家嘅狀態。

當時佢狀態都幾好，

算幾開心。

估唔到，個次就係佢最後

一次出現。

當時真係以為佢會復出。

藍潔瑛後生個陣嘅作品

大家都like，

佢一走，個個好懷念。

來緊嘅11月11號開始，

翡翠台深宵時段會重播

《義不容情》，

劇中藍潔瑛飾演黃日華老婆，

係奠定其演技派地位嘅作品，

想重溫，想懷念嘅，

可以睇睇。

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！