惠英紅自爆失聲黎明喪鬧人廢柴鄧紫棋首曬男友

娛樂 11-07

祝君好

十月初五的月光原聲大碟

張智霖

00:00/04:11

今日快報

打足17年！阿Sa游埃及　High爆打側手翻

又拍戲又唱歌嘅蔡卓妍（阿Sa）終於有時間放假去旅行，佢今次仲揀咗個夢寐以求嘅地方，就系埃及喇！佢喺Instagram上載獨照，仲好感觸話「圓夢第一步」：「實在唔知道用咩言語嚟形容自己嘅心情！！由細到大都對遠古文明深感興趣一直都好想親身去睇嚇感受嚇」仲有好多hashtag，自嘲詞窮唔識得點形容有幾開心！

唔知點講？佢就以行動證明有幾興奮呀！佢喺金字塔面前打側手翻，仲配埋2001年Twins出道歌有呢個招牌動作嘅《明愛暗戀補習社》做配樂。見佢駕輕就熟，輕輕鬆鬆面不改容，果然訓練有素！網民都話好經典「諗起你哋第一個演唱會個側手翻」，仲笑言「寶刀未老」，等佢打到80歲呀！

勁洗腦！「皇帝」黎明喪鬧人廢柴

內地網劇《將夜》最近正在熱播，更邀請到天王黎明（Leon）、鄭少秋、胡軍等大卡士演員客串演出，而男主角則由一位18歲嘅男新人主演，佢系導演陳凱歌個仔！

雖然Leon戲份唔多，但討論度最高嘅，竟然系Leon於劇入面嘅對白。Leon飾演唐王李仲易，佢不時都用「廢柴」一詞嚟鬧一眾大臣，好多網民都質疑古裝戲竟然會有「廢柴」咁新潮嘅用詞，亦有部分網民話畀佢呢句「廢柴」洗咗腦，每集嘅樂趣變成數嚇佢一共講咗幾多次「廢柴」。

「登陸」NASA狂洗版　G.E.M.首曬男友密照

G.E.M.（鄧紫棋）日前「登陸」美國太空總署（NASA）位於矽谷興建嘅Ames研究中心，出席頒獎禮兼獻唱！威到盡嘅佢連日嚟都喺Instagram洗版分享集郵成果，包括美國樂壇歌王Lionel Richie、型男奧蘭度布林（Orlando Bloom）等巨星，洗咗咁耐終於嚟到最後一張相，就系佢首次曬出同造型師男友Mark合照，Mark輕攬對方纖腰，真系閃到盲！G.E.M.留言：「最後一張～Styled by @markymark.23 #lastbutnotleast（最後但同樣重要的人）」

獲女友親證地位嘅Mark亦不斷上載「男友視角」片段隔空傳情，網民都紛紛送上祝福，又叫Mark要好好照顧G.E.M.呀！而「鄧紫棋首曬男友」更登上微博熱搜第一位添！

傍住姜皓文現身　惠英紅自爆失聲

「影后」惠英紅與姜皓文（黑仔）在金鐘出席《香港亞洲電影節2018開幕禮》，兩人演出的電影《翠絲》屬今屆開幕電影之一。姜皓文在戲中飾演跨性別人士，問他心情緊張嗎？他笑說：「有紅姐喺度，定過抬油呀。」提及最近再以女裝上陣兼剃腳毛拍照，他說：「自己睇女仔都系睇對腳先，所以剃咗腳毛會好睇啲，唔痛，剃好方便、好快。」惠英紅又爆拍戲時黑仔不時做Facial扮靚，黑仔笑言：「系呀，早晚都敷個Mask，系靚仔啲，依家都Keep住做。」

惠英紅最近為舞台劇排練，因要大嗌而導致喉嚨痛，近日要盡量減少說話，為另一個內地騷好好養聲，她說：「自己排舞台劇又唔識就住，不斷咁嗌，今日把聲開始出事。」