功能與時尚於一身！UNIQLO x ALEXANDER WANG HEATTECH聯乘系列

早在2008年時，UNIQLO x ALEXANDER WANG已經推出首度聯乘系列，向來以時尚型格見稱嘅Alexander Wang遇上以性價比極高見稱的UNIQLO，聯乘系列反應當然叫好叫座；早前Alexander Wang於Instagram正式宣布與UNIQLO再次合作，以UNIQLO皇牌產品作賣點，推出聯乘HEATTECH系列，相信不少城中潮人亦十分期待。

冬季必備item：親民價錢享受大師級設計

曾經喺網上有一句戲言「香港嘅濕凍系全世界最凍」，雖然未叫全世界最凍，但又凍又濕嘅天氣，真系要著多兩件衫，但著得太多衫唔單止令人覺得身型臃腫，行多兩步就覺得自己「論盡」，直到UNIQLO出咗冬天聖物HEATTECH之後，終於可以同臃腫嘅造型講bye bye！

今年冬季，UNIQLO 聯同 Alexander Wang攜手推出HEATTECH聯乘系列，簡直系冬季福音，對HEATTECH fans嚟講更加系年度盛事！

以溫暖重塑做主題，將HEATTECH裝嵌喺巨型冰塊內，比喻 HEATTECH 無懼寒冷，HEATTECH帶嚟嘅溫暖甚至可以溶化冰塊。

先睹為快：紐約發布會現場

Crossover消息一出之後，一眾潮人都已經急不及待想睇下每個item嘅真身，所以喺啱啱過去嘅Weekend喺New York舉行發布會，吸引一眾型人去排隊潮聖。

場地以冰天雪地做布置，以彰顯HEATTECH強大的威力

Alexander Wang全黑型格登場

UNIQLO全球研究及設計高級副總裁勝田有紀先生

超多潮人一早排隊等待搶先看！

可以同本尊selfie！！！

產品大檢閱

今次聯乘一共有6 款男裝同10 款女裝，分別均有推出HEATTECH 及 HEATTECH Extra Warm系列，每款都一樣以功能＋時尚作重點，設計線條分明，剪裁修身，而且今次Crossover有一大驚喜 – 就系推出咗ALEXANDER WANG 經典嘅黑色同螢光綠色，如果你夠大膽，部分款式更加可以用嚟單穿或作外襯配搭，簡單時尚！

女裝重點推介

（售價：HK$149）

為冬季帶來新驚喜！（售價：HK$149）

布面有V型圖案有袖樽領Extra Warm Bodysuit，有黑、白、灰三個選擇（售價：HK$299）同以露背作設計的背心Bodysuit，有齊黑、白、灰、啡仲有螢光綠色（售價：HK$199）；既可以防走光，打底必備！(只限利舞台旗艦店發售)

今次聯乘就連Bra都有出，有齊黑、白、灰、啡四色作選擇（售價：HK$149），重點留意Bra的底部橡筋印有Alexander Wang字樣。

男裝重點推介

男裝內衣一向以實用簡約為主，而是次聯乘，同樣將螢光綠色應用於男裝，另有黑、白、灰色（售價：HK$99）！

Extra Warm長袖凈色衫，有黑、白、灰色同螢光綠色，充滿時尚感（售價：HK$199）。

另外所有男女裝內褲、Legging或Boxer等，所有腰間橡筋位置都印了加入了Alexander Wang字樣，可以不經意間Show出來！

UNIQLO x ALEXANDER WANG HEATTECH 聯乘系列將於11月9號於全線 UNIQLO 店鋪開售，當中部份商品只會在舞台旗艦店發售，Fans留意啦！

喜歡這篇文章嗎？立刻分享出去讓更多人知道吧！