全昭旻李相燁新戲講落魄巨星愛上村姑？咁似《王子變青蛙》！

韓劇好似依家都好興

其中一位主角係明星嘅設定

例如係最近熱播嘅《內在美》

徐玄振飾演明星韓世界

時隔5年回歸電視劇嘅尹恩惠

喺《心動警報》入面

扮演當紅女星尹宥靜

而即將喺16號首播嘅

《超級巨星柳白》

其中男主角金知碩飾演明星柳白

即係好似劇名一樣

超級巨星出現

係要好似下圖咁噶陣仗

新戲《超級巨星柳白》

講嘅係一個巨星愛上村姑嘅故事

啱傳出呢齣戲嘅消息嘅時候

傳聞話劇情係落魄有錢男主愛上村姑

當時仲以為係翻版《王子變青蛙》

後尾官宣先知男主人設係巨星

呢齣戲由全昭旻、金知碩、李相燁主演

有睇開韓綜嘅朋友

應該都知佢哋都係綜藝咖

呢齣戲應該都係輕鬆搞笑片

金知碩曾經喺《又，吳海英》中

有唔錯嘅精彩表現

今次睇劇照

好似依然係行搞笑路線！

喺RunningMan大放異彩嘅全妹

之前喺綜藝剪短髮出現

被光洙笑係村姑樣

當時都係話為咗劇情需要

原來真係飾演堅·村姑！

喺劇中唔單止造型老土

而且角色設定都係土裡土氣嘅形象

咁樣嘅款竟然會同超級巨星有感情戲？

唔知劇情走向會係點咧

都有D期待！

而香葉更加係綜藝感十足嘅藝人

今次飾演嘅船長角色睇上去正常

不過其實都會有唔少奇怪嘅表現

大家拭目以待啦

劇情大概就係講述

巨星柳白因為發生咗一D意外嘅事件

要去一個地方避風頭

點知去到先知係一個超偏僻漁村

於是乎就遇到咗當地村姑

全妹

兩個人就發生咗一系列嘅故事

感覺應該又係一出輕鬆搞笑嘅劇

用來放鬆心情好啱！

期待！

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！