袁偉豪還願成婚？湯洛雯撻著姚子羚前度？謝安琪周六重返內地開騷

娛樂 11-20

春夏秋冬

陪你倒數

張國榮

00:00/04:08

今日快報

《後生仔》王虹茵跳得激　條裙飛起見埋肚臍

台慶去到「青春歌舞50+1」環節，一班後生靚仔靚女齊齊跳舞，靚女們齊齊校服上陣，短裙飄嚇飄嚇，非常養眼！其中一位靚女，《＃後生仔傾嚇偈》嘅主持王虹茵就因為跳得太激，條裙都飛起埋，見到打底褲之餘，連個肚臍都見到，真系跳得落力喇！

汪明荃痛失51萬　黃庭鋒獨攬！

台慶壓軸大獎—51萬存款戶口最後由汪明荃、黃庭鋒等人爭奪！當大家知道汪明荃有機會爭獎時，眾藝員實時起鬨，司儀之一的鄭裕玲對她說：「啲稿你唔使講，我幫你講埋。」輪到汪明荃開夾萬時，陳百祥抵死道：「你之前畀人抬走咗個夾萬，你依家抬番。」但最後她也無緣獲獎，由黃庭鋒獨得51萬，但他太緊張，扭鎖時一度扭錯方向，開了兩次才成功打開，他自言好似發夢。

另外，台慶其中一個獎抽中女藝人餘思霆，但她卻提早離場，原本有人要求重抽，不過得悉原來餘思霆因台慶表演跳舞時傷腳才早走，故最後得以保留禮物。

得閑湊細佬　陳嘉桓仲未約到黃宗澤慶生

藝人陳嘉桓（Rose）帶同三歲細佬出席漢堡包店開幕活動，講到本月8日是其26歲生日，她笑言已吃了兩星期的生日飯：「晚晚都同朋友食飯，仲有自己整蛋糕畀自己，都幾得意，因為依家未有新工作，就搵啲嘢做嚇。」她指自己瘋狂吃東西和瘋狂做運動，結果被健身教練取笑：「教練話我勤力過返工，我連續去咗10日健身，所以我考慮嚟緊考一個健身教練牌。」問緋聞男友黃宗澤可有跟她慶祝生日？她笑說：「冇喎！未約到佢。」

此外，早前Rose透露在工作上將會有新動向，問現時情況，她說：「仲搞緊，所以多咗時間搞其他嘢，仲處理緊，呢段時間當畀自己抖嚇，幫手湊嚇細佬。（系咪爭合約嘅問題？）都系，處理緊，依家咪多啲時間照顧細佬，嚟緊會帶佢去旅行，因為佢已經開始咗幼兒園生活，遲啲難啲有時間，嚟緊會同佢去韓國，去凍啲嘅地方，佢未試過。」

阿佘三哥馬德鍾齊賀！郭政鴻生日醉開心

藝人郭政鴻今個月18日正日生日，難得不用工作，有時間於正日與一班圈中好友慶祝，難怪他相當開心，更於社交網上載不少生日派對的照片，更留言謂：「今年生日醉開心。」寫到明「醉」開心，睇嚟郭政鴻都預咗同一大班朋友飲到不醉無歸！而與他慶祝的圈中好友包括佘詩曼（阿佘）、陳山聰與女友Apple、馬德鍾、吳卓羲、梁烈唯、苗僑偉（三哥）、洪天明等等，就憑群星撐場就肯定佢人緣非常之好。

終於解封！謝安琪周六重返內地開騷

歌手謝安琪（Kay）2016年曾親口承認內地逾十場巡唱全部暫停，當時她聲稱有很多原因，但據知與政治因素有關，當時她直言是個打擊，曾為此傷心喊爆，結果完成香港個唱後，她就暫別樂壇，還火速造人誕下女兒。

事隔兩年有指她終獲解封，有消息指本周六（24日）她將會跟鄧紫棋、側田在內地舉行一個演唱會，對於終於能重踏內地開騷，其經理人公司回復說：「關於內地演唱會嘅問題，我哋冇回應呢！」

撻著姚子羚有米前度？湯洛雯澄清：真系單身

無線小花31歲的「靚湯」湯洛雯今年3月與拍拖4年幾的「港男」羅天宇分手後，雖然盛傳兩人不舍對方有意複合，早前天宇的生日派對，靚湯都有出席，不過轉頭已傳出靚湯有新歡，傳佢撻著姚子羚的有米前度男友「的士邦」鄭子邦。有人目睹兩人日前深宵在銅鑼灣一樓上酒吧夜蒲，當晚兩人黐到實、貼曬身互摸，靚湯仲被看到任由「的士邦」伸手摸大髀，而靚湯都有出手摸住佢條腰同背脊，親昵舉動猶如情侶，自然得嚟又順手囉。

靚湯回復媒體時否認拍拖：「總之大家系朋友，只系大家一班人出去慶祝朋友生日，我真系單身，我好感激大家咁關心我感情生活，如果真系有好消息我會同大家分享。（點解下半身貼住？）完全冇，好明顯系角度，其實咁寫都有少少唔鐘意，不過我要澄清嘅都講曬，總之依家單身，工作亦都開心。」

袁偉豪還願成婚？黃智雯心雄想再下一城

藝人黃智雯與袁偉豪於《萬千星輝賀台慶》齊齊起雙飛，獲得《TVB馬來西亞星光薈萃頒獎典禮》及《星和無線電視大獎》視帝、視後。

對於齊齊獲獎，智雯表示雙倍驚喜，她謂：「其實全日都好忙綵排，因為擔心自己表現唔好，所以冇諗獎項嘅嘢，到坐上台嘅時候，宣布嗰一刻就開始緊張，有啲發緊夢咁，但好開心嘅。」

而袁偉豪則笑指獲獎總算還了心愿：「其實現場氣氛都好好，當攞完一個之後再攞第二個，真系冇諗過，So far自己都系平常心，但因為呢兩個獎喺香港頒，令到成件事都好似好近咁（你攞獎時女朋友（張寶兒）表現激動，鄭裕玲催婚喎！）佢叫啫！咁唔會住，相信身邊人都信任我嘅決定，畀啲時間我喺工作上（對香港頒獎禮多咗信心？）都系平常心啦！」智雯則表示對香港下個月的頒獎禮爭視後多了一份信心，更謂：「佢哋成日話我冇乜信心，所以我特別要多謝啲兄弟姊妹，因為自己都好大壓力，呢排又忙台慶綵排，月尾仲要去韓國拍一個跳舞節目，要準備啲嘢，不過都好，等我唔使咁緊張。」

通知通知

為防止突發情況賬號失聯！

大家可以添加Miss.K的個人WeChat：

hkchanne1666

不要和我失聯喲！