王浩信新劇打到骨折袁詠儀破例客串楊盼盼墮火海諗住冇命

娛樂 11-27

都是你的錯

繼續愛我

陳慧琳

00:00/04:07

今日快報

胡鴻鈞為劉佩玥搣甩宅男性格

歌手胡鴻鈞（Hubert）首次擔任男一嘅新劇《救妻同學會》已經系過去嘅周日播出第一集，今次Hubert系演人夫，做劉佩玥（Moon）嘅老公，而過去Hubert都遇上有發揮嘅角色：「系幾好彩，我拍劇次數唔多，但每個角色都有發揮空間，又好玩。今次救妻都好玩，用以前時空，交代角色性格改變，所以要演兩個性格，前期就系溫文、斯文，演一個22、23歲嘅宅男啲，另一個就系講大個咗就變得好剛強，好強勢，因老婆劉佩玥被綁架，得72小時要救佢。」至於劇集安排周日播出，每集2小時，他謂：「都系新嘗試，新時段，因觀眾有佢睇劇嘅習慣，喺外國同日韓嘅劇，都系個半至兩個鍾，反而畀觀眾有時間去消化同討論，有啲觀眾仲鍾意等埋播曬一次過睇。」新時段收視可有壓力？他謂：「真系冇壓力，因有壓力都改變唔到，都拍咗喇，都只能著重一啲宣傳上面落力啦。」

嚇死朋友！張文慈被抬上白車：有驚無險

藝人張文慈（Pinky）近日忙於客串演出《法證先鋒IV》，戲中她將於米雪及謝賢大演對手戲，令她相當雀躍。日前拍攝一場受傷戲時，她的造型幾可亂真，貪新鮮的她於社交網站上載劇照，嚇得一班朋友忙追問「發生咩事？嚴唔嚴重？」事後才知「玩大咗」的她急忙澄清，且表示：「希望只系拍戲先有呢啲情形，現實生活就真系大吉利是喇！今次系我首次登上救護車，對樣樣儀器好似氧氣罩等等都覺得好新鮮，同埋嗰日講我喺條斜路被抬上車，都擔心會碌咗落去，好彩有驚無險。」

撐好戲不談賠償　楊盼盼墮火海諗住冇命

資深動作女星楊盼盼到尖沙咀出席《歡樂滿東華2018》記者會，早前她在內地拍戲時意外被火燒傷，她表示身體已經復原，休息了十幾日，吃到想吃的東西，獲電影公司很好照顧。講到出事當日一場火災戲，她曾經想過會冇命：「現場好多老人家，我之前仲同佢哋講，如果有咩事記得向兩邊散，唔好向後走，之後啲火燒到兩層樓咁高，我股骨傷過，轉身時跌咗落火堆入面，好在當日落雨，我條褲濕曬，所以對腳先燒得唔系好嚴重，不過都燒傷咗眼鼻同面，右手仲有30%燒傷，醫生開頭話要三星期復原時間，但我個幾星期就開始復原。」談及賠償安排，楊盼盼表示自己冇提起，因大家都好支持這部電影，甚至問導演是否還需要補戲，不過也覺得需要賠償給受傷的老人家。問今次在東華騷會否有高難度表演？她表示今次負責擔任導師教其他藝人高難度動作，相信每項表演都有一定危險性。

畀面「堂表哥」麥兆輝　袁詠儀破例客串

《廉政風雲煙幕》陣容強大，除三位帝後主角劉青雲、張家輝及林嘉欣，另一位極少客串的影后袁詠儀（靚靚），亦破例作特別演出，並不經意揭開靚靚與導演麥兆輝原來是世交，麥兆輝說：「靚靚叫我媽咪做契媽，實際上我媽咪是她爸爸的表姐，論輩份，她應該是我的堂表妹，小時候我常看到她，直至她選了港姐，到我當副導演時，彼此曾經合作過。」寫完《煙幕》劇本，麥兆輝認定海關關長一角，非靚靚莫屬，於是親自致電邀請：「我知道靚靚很少客串，而且角色不算正派，靚靚很爽快地說沒所謂，看完劇本便答應演出，她是個真正演員，不是明星！」靚靚與青雲合作《新不了情》深入民心，今次在《煙幕》不再談情，變成對立角色，麥兆輝大讚這段對手戲非常出色，「兩個人互相配合，沒有搶戲，節奏掌握恰到好處。」蜻蜓點水未夠喉，在《廉政風雲》繼後兩部曲，麥兆輝望能再邀靚靚助陣：「就好似《竊聽》一樣，一班演員好似大家庭，轉換不同的角色。」

打到骨折！王浩信露「骨」剖白：感到活著

藝人王浩信最近忙於為新劇《解決師》開工，有唔少動作戲，不過非常唔好彩，佢喺社交網曬出兩張露「骨」傷勢相，自爆拍打戲時受傷搞到尾指骨折，不過唔只照片露「骨」，佢仲剖白做鍾意做嘅嘢時，真系可以好博，因為佢一直捱痛，直至完成所有打戲先去睇醫生呀！佢話發文唔系想大家擔心，系想話畀大家知佢對演戲嘅熱愛大到連痛都唔怕，原來佢仲因為受傷所以早前缺席台慶頒獎禮記招，留言：「想同大家share下（嚇），經過呢件事，我發現原來我底果（嗰）浸當我面對自己鍾（鍾）意做既（嘅）野（嘢），痛都可以唔理嘅質地無（冇）被歲月沖淡，就好似以前拗咗柴第二日就落場打波嗰種熱血，仲好似比以前嚴重咗。我真系覺得幾開心，因為我感到活著（著）！為左（咗）慶祝單野（嘢），就同大家分享一張入行以來最露骨嘅相，鼓勵大家要keep住團火！」媒體聯絡上王浩信，問到佢會唔會因傷而影響之後工作，佢話：「好彩動作戲部份已經完成，文戲盡量唔好太大郁動就冇影響啦，多謝關心。手指尾骨比較弱，冇辦法啦。」