周杰倫新片拍出人命陳煒偷嗒小鮮肉？張寶兒講明求婚方式

娛樂 12-01

安守本份

谷微

00:00/04:05

今日快報

仔定女？陳凱琳畀公關擺上枱公布BB性別

准媽媽陳凱琳（Grace）身穿Sharp醒桃紅色套裝現身品牌活動，即使西裝褸扣起都明顯見肚，自宣布有B後第2次出席活動她依舊冇有怕，繼續著3吋「斗零踭」，笑言有帶定平底鞋更換：「呢對比起平時我著嗰啲矮好多，咁自己又細粒，老公都有批准我著呢對。（佢有做對你更貼心嘅事？）都有，佢啱啱打畀我睇嚇我安全到目的地未，話唔好嫌佢囉唆。」問到懷孕幾多個月？Grace繼續封口：「暫時唔想講住，過咗3個月。（幾時公布？）畀我多啲時間諗嚇再講。」於活動開始前，有公關表示Grace會宣布BB性別，問到此事時，Grace都呆一呆，然後話想同老公一齊於IG上宣布：「下個月啦，都想一齊講，因為生BB系兩個人嘅事，都唔想單方面咁講咗先，但呢個性別我哋兩個都開心嘅，可能同公關有啲誤會，所以佢哋先咁講。」說罷即來「投訴」，笑指未打電話給好友黃智賢問點解要同記者透露BB性別：「但佢會系BB個契爺，所以有咩都會同佢講，佢有第一手信息。」問到著桃紅色套裝是否暗示BB性別？她大笑謂：「想有番啲聖誕氣氛啫！（上圍豐滿咗？）好尷尬添！自己都冇為意。」

單文柔食消夜谷肥B　展鵬緊張扶到實

上月結婚的視帝陳展鵬及單文柔（Phoebe）早前在社交網宣布佗B，奉子成婚的Phoebe亦留言：「期待小豬比的來臨。」現懷孕約三個月的她早前曾表示有喜後經常作嘔兼容易疲累，更不太吸收而瘦了不少，難怪身形纖瘦的她日前食足三餐仲要加消夜，實行密密食谷肥「小豬比」。當晚大約十時許，陳展鵬驅車接載太太雙雙前往九龍城食消夜，二人下車後他即急急上前扶住老婆步往該處一間中式餐館，雖然只是消夜，但他們甫坐下即點了滿枱餸菜，體貼的展鵬又不時為老婆斟茶遞水兼夾餸，為吸收更多營養，Phoebe則低頭車輪嘴大啖大啖食不停，期間引來附近食客目光，但見他們未有理會，夫婦有傾有講，Phoebe還被老公凼到甜甜笑，食至尾聲她又拿著電話與老公研究一輪，二人最終逗留個多小時才離開，因當時天雨路滑，愛妻深切的展鵬出門口時更全程貼身護航攙扶老婆，緊張地扶著她手臂護駕上車為止，安頓太太后展鵬才發現記者在場，初時一臉愕然的他定神後才笑笑口揮手打招呼，之後才駕車返歸。

袁偉豪準備好　張寶兒隔空講明求婚方式

藝人張寶兒（Bowie）現身首飾活動，問她是否揀嫁妝，她笑言嫁妝不需要自己買。至於男友袁偉豪（Ben）若獲三料視帝是否會結婚？她坦言：「我覺得好難話計劃唔計劃，但現時未適合住，大家仲有好多抱負喺工作上。（大家有傾過？）任何認真拍拖嘅人都會，但呢個未系我哋嘅計劃。（大家有時間表未？）好難講到將來，呢一刻想喺工作上繼續努力。（Ben話佢準備好，只系畀時間你發展工作。）佢將個擔子畀咗我，佢依家事業發展得好好，佢需要時間去做得更好，我拋番個波畀佢先。」Bowie稱會投票支持男友，並相信對方有能力做三料視帝，但認為其他藝人的作品也很出色，她表示：「如果佢再攞獎，我要諗一個surprise畀佢。（如果佢喺台上向你求婚呢？）我覺得私下會好啲，希望呢個時刻系兩個人。（對求婚有冇憧景？）我覺得諗過通常唔會成真，所以唔好諗。」

又攬又啜！陳煒偷嗒小鮮肉

藝人陳煒上周（21日）45歲生日，喺圈中出名朋友嘅佢，生日飯食足一個星期！呢晚好友唐詩詠、馬國明、女友黃心穎、何遠東等為佢補祝生日，同時為曾經合作無線劇《梟雄》嘅李興華兩位11月之星齊齊慶祝。最意外系兩位壽星切蛋糕時，陳煒毫不避忌獲小鮮肉李興華搭膊頭兼獻吻，仲笑得非常之甜，好受落咁，有網民仲話佢哋有夫妻相添！唐詩詠同黃心穎亦有喺社交網上載大合照祝賀呢位壽星。

周杰倫新片拍出人命　39歲場務意外身亡

由台灣天王周杰倫（周董）監製、老婆昆凌擔正的賽車電影《叱吒風雲》，早前於拍攝時發生意外，一名39歲吳姓場務人員因洒水地滑不慎跣低，頭部受傷至顱內出血，送院做開顱手術後當時生命跡象已經穩定，但休養約半個月後，昨日突然傳出離世消息！噩耗傳出後，劇組及製片等即趕往了解情況，目前已聯絡保險公司及與家屬接洽後續事宜，對此周董所屬公司回應表示：「意外發生之後，杰倫一直都很關心，很不幸的遺憾是這個結果，他已經叮嚀劇組及畊宏（出品人）要好好協助家屬處理後續的事宜，有任何需要都可以跟他說。」電影日前已殺青，預計明年上映，進度未受影響。

通知通知

為防止突發情況賬號失聯！

大家可以添加Miss.K的個人WeChat：

hkchanne1666

不要和我失聯喲！