上月輸給袁偉豪，馬國明年年打定輸數：我是領跑，好似帶住班盲嘅跑手…

娛樂 12-03

馬國明（馬明）今年憑住《宮心計2深宮計》獲提名無線《萬千星輝頒獎禮2018》「最佳男主角」，本來現場嘅藝人一致落重注，點知最後袁偉豪「起雙飛」，結果又搞到網民唔開心，今次唔單止戥佢唔抵，仲覺得擺上馬明上枱，覺得好似夾埋玩佢！

去年他憑《降魔的》獲提名該獎項時呼聲極高，可惜最後仍告落空。

今年他的表現未算突出，難免予人感覺是在陪跑。馬明昨日出席活動時對於被指今年又在陪跑，表示：「其實我每年都冇諗會係自己攞獎，每年都唔會貼自己攞，貼自己好尷尬。」他笑言：「我冇唔開心呀，我唔係陪跑，我係領跑，好似帶住班盲嘅跑手，我係跑得快過佢哋，贏咗我唔攞獎，留畀俾佢哋攞，邊個攞獎都咁開心，大家睇好我證明我朋友多而唔係好戲。」

問到他馬明今年心目中的視帝視後人選，他說：「視帝方面，我睇好諾懿（黎諾懿）攞，佢喺《BB來了》入面嘅表現好突出，我又想老蕭（蕭正楠）攞，因為係代表我哋《深宮計》劇組，梗係撐佢。不過攞獎都好講運氣，以好運嚟計我覺得展鵬（陳展鵬）好大機會，佢今年結婚同埋有BB，分分鐘贏埋視帝三喜臨門。視後方面，我就想煒哥（陳煒）攞，因為係《深宮計》吖嘛，另外就係智雯（黃智雯），我一直都睇好佢，覺得佢係繼定欣（胡定欣）之後，戲路最廣嘅女藝人。」

至於女友黃心穎提名女配角，馬國明話：「佢提名任何嘢我都會投。」