王浩信想冧庄視帝岑麗香肚凸凸孕味濃黃智雯接受地獄式訓練

娛樂 12-03

你懂我

星空愛情

鍾嘉欣

00:00/03:26

今日快報

薛世恆練習受傷骨折　遺憾辭演東華

藝人袁偉豪與Neway太子薛世恆（Daniel）將會喺東華合作電單車表演籌款，屆時會有一系列花式動作，兩人近日都加緊練習為求做到最好！不過今日Daniel就喺社交網曬出一張手握拐杖相，並留言：「受傷了！」仲無奈表示未能演出！

佢透露尋日同一位專業教練一齊練習時，不慎整傷，左腳出現多處骨折，所以醫生指都話需要1至2個月先可以恢復。佢多謝大家嘅問候，透露情況OK，但好遺憾參與唔到呢個演出。網民都話都話安全最緊要，叫佢好好休息！Daniel接受電話訪問時透露系尋日傍晚私下同教練練習時並送院，今日已經出院：「我當時唔系做緊咩花式動作，系架電單車唔知click到啲乜嘢，我成個人拋咗出車，跟住架電單車壓咗落我只腳，左腳腳掌骨裂同骨折，醫生話要一、兩個月時間康復，我依家著咗個氣墊鞋，類似打石膏咁，但可以拆得出嚟，依家行路要用拐杖，之後要做埋治療。（家人好擔心？）少少啦！」他對於未能表演東華籌款節目大感可惜，又為製作單位致歉，要對方臨時作調動，問到有否聯絡一齊表演的拍檔袁偉豪？他說：「有，佢話嚟探我，我話唔使，我差唔多出院，可以佢下次練習時，我去探佢班。」他稱腳傷未有影響之後的工作安排，但聖誕及新年期間外游的計劃就要取消。袁偉豪接受電話訪問時，表示寄望薛世恆早日康復，更指雖然他未能落場表演，但已承諾會到場支持：「因為我要兼顧埋佢嗰部份，所以呢幾日都加緊練習。」

畀咩戲份考起？陳庭欣喪NG：成身散曬

藝人陳庭欣（Toby）於無線劇集《兄弟》不乏打鬥戲，早前一場於英國一打二十的重頭戲，可謂Cool到爆，笑指拍攝時雖然沒有受傷，但卻打到成身瘀青:「都真系辛苦，當日系大半日都系拍打，另一日就拍追逐戲，後來楊明嚟救我，我發現原來拍被救戲都同樣辛苦，因為要扮受傷，唔可以好出力，好記得楊明扶我走，有一下系佢扶住我落樓梯，因為唔可以畀力，結果全程系跣落去，仲拍咗好多Take，真繫緊張又搞笑，拍完成身散曬。」

組女團再出道？黃智雯韓國接受地獄式訓練

藝人黃智雯近日出發韓國為無線拍攝跳舞節目，期間還要跟韓國女團學跳舞，面對每日十小時拍攝，智雯也不禁大嘆辛苦，她謂:「由早操到晚，學跳舞、學唱歌、上堂教擺甫士，夜晚仲要排舞，每日行程都好Full，所以返去酒店都好攰，冇時間出去購物，不過有一Part系同六個女仔訓練做女團，個個都來自唔同國家，同埋全部由零開始去練，我覺得幾得意。」由於當地天氣比香港溫差大，再加上乾燥，令其喉嚨也很乾涸，為免被病魔打到，智雯除了穿厚羽絨保溫，更長期暖水不離身。

肚凸凸孕味濃！岑麗香：適當時候會同大家講

岑麗香（香香）以低胸連身裙現身商場活動，見她身形明顯圓潤不少，上圍升Cup兼肚凸凸，孕味濃，但她仍以三吋高跟鞋上陣，當記者叫她不要再穿高跟鞋時，她尷尬地笑，並說謝謝。問到可是造人成功？香香解釋：「因為條裙款有啲泡泡。適當時候會同大家講，畀少少時間我，努力中。」

提到大會送上蛋糕，上面有張她與老公的合成BB照片，她笑言：「個BB好得意。（想生仔定女？）到時先算，都系一個祝福。（有壓力？）呢一刻有啲，多謝大家鼓勵，我會努力。身邊人已經唔系叫我快啲，而系問幾時，畀啲時間我消化嚇，都系努力中，有好消息適當時候會同大家講。」

香香透露早前剛回加拿大探望家人，最近亦飛來飛去參加朋友婚禮，問到如此頻撲，老公會否擔心？她說：「佢辛苦過我，呢段時間我都系休息，調理嚇身體，做運動同學煮嘢食，不過有時老公飛去其他地方做嘢，我都有陪佢一齊去。（聖誕節點過？）有機會飛去探家人，我嘅身體已經好容易調節時差。」

至於無線的頒獎典禮，香香坦言撞正其結婚周年：「老公好早就叫我留個期畀佢，佢計劃咗個Surprise畀我。有份入圍最佳女主角好開心，拍劇嘅時候大家合作得好開心，角色有得發揮又好貼地。」

最大對手系馬德鍾！王浩信想冧庄視帝

藝人王浩信、伍允龍與楊明現身劇集《兄弟》的宣傳活動，日前王浩信在社交網站自爆拍攝劇集《解決師》時尾指骨折受傷，問到傷勢如何，他表示：「只手仲系腫緊，因為要拍劇，我都拆咗石膏，慢慢康復進度理想，因為我有keep住做運動，血液循環都快，所以康複比我想像中快。（拍劇太搏命？）唔關事，拍嗰幕唔系打戲，系講我畀人綁架，雙手反綁，我連人帶櫈跌咗落地，所以就壓到只手，好在唔算嚴重，唔系傷到手腕，依家都可以握到拳，只系撞到先會痛，好在劇入面嘅動作場面已經完成咗。監製好好，佢知我受咗傷，所以有啲位都有搵替身畀我。」

今年王浩信憑《兄弟》提名視帝，不少人支持他冧庄，他坦言：「多謝大家支持，最重要系觀眾支持，我知呢套劇一開始有少少複雜，大家睇唔明，睇嚇個劇爆唔爆。（有冇信心攞視帝？）觀望中，戲肉慢慢嚟。依家收視穩步上揚，我想攞，但都要睇觀眾。（邊個系最大對手？）馬德鍾，佢套劇感動好多觀眾！我都好期待張衛健，咁耐冇睇佢，袁偉豪又攞咗兩個獎。」

另外，楊明也同樣憑《兄弟》提名視帝，問到有否信心，他表示：「我本身好有信心，但睇到王浩信就打消咗念頭。我之前系最老嘅人攞飛躍獎，我個目標系最年青嗰個攞演藝大獎，即系鍾景輝嗰種。（你同前輩爭獎？）我絕對有分量。」

而同劇的伍允龍未獲提名，他自言不要緊：「唔會失望，冇壓力，我可以專心去支持佢哋兩個。」楊明叫伍允龍記得要為他與王浩信投票，以免兩人票數差距太大，又指若有武術獎，伍允龍一定實至名歸。

通知通知

為防止突發情況賬號失聯！

大家可以添加Miss.K的個人WeChat：

hkchanne1666

不要和我失聯喲！