李嘉欣眼紅鼻紅道別老爺王浩信視帝呼聲高林夏薇被貼街招？

娛樂 12-10

聽風的歌

郭富城

00:00/03:46

今日快報

都系見唔到肚！佗B陳嘉寶賣萌冧粉絲

藝人陳嘉寶（Anjaylia）去年與闊少黃頌祈拉埋天窗，今年9月宣布佗B六個月。不過佗緊B嘅Anjaylia好活躍、不時四圍去，今日佢又喺社交網上載新相，見佢表情多多，抬頭、單眼、嘟嘴、相當得意，頭上面戴咗對大耳仔。佢留言話：「本來想裝兔子，沒想到照出來比較像龍貓。」但系張相得半身睇，搞到網民都話好想快啲見到佢大肚個樣呀！

陳煒康華都系佢老婆　湯鎮業享齊人福

藝人康華、陳煒和蘇恩磁早前在公開場合與湯鎮業遇上，這位前輩人緣極佳，加上最近返香港開劇，參演最新一套由王晶監製與無線合作的新劇《荷里活有個大老千》，當中康華是演出湯鎮業的老婆，所以二人分外投緣，而該次公開場合又遇上陳煒，兩人早年於無線劇《梟雄》，同樣是演兩公婆，所以當晚遇上「兩個老婆」的湯鎮業，大享「齊人」之福影合照，蘇恩磁更將張相片於社交平台分享。康華受訪稱：「系呀，湯鎮業好好人，呢位前輩人好戲好，嗰次我同煒哥見到佢，大家都做過佢老婆，梗系要影番張相留念。」

被貼街招？林夏薇斥無聊：行得正企得正

林峯堂妹、藝人林夏薇（薇薇）三年前下嫁身家逾20億金融才俊莫贊生（Jason），雖然她已和無線滿約，但今日凌晨12時許，在將軍澳電視城附近圍欄發現薇薇夫婦被人貼街招，街招約幾十張，內容大約寫道﹕「老婆生一個BB畀一億，邊有錢畀？」質疑其老公的財富狀況，薇薇接受訪問，她說：「呢種行為非常無聊，不值得回應，我哋行得正，企得正，交畀警方處理。」

攞獎有壓力？李佳芯迫陳炳銓投自己做視後

藝人李佳芯（Ali）與Fans到山頂行山紓解情緒壓力，藉此宣揚身心健康，席間大會率先頒發「視後」獎座，預祝她於台慶頒獎典禮中再下一城、奪後成功，令Ali大為驚喜！Ali坦言受男友陳炳銓影響才愛上行山，有時更會帶埋愛犬同行，惟自入行後因忙於拍戲，就連瞓覺時間都冇，故開始少行，不過她指行山對平復情緒都有好大幫助：「我系一個好難喊得出嘅人，媽媽都好少見我喊，所以拍啲喊戲嗰陣成日都迫自己，搞到情緒好差，仲衍生好多問題，例如皮膚會唔好。」續自爆曾試過抽離唔出角色：「有套戲30集，但頭20集都要喊，拍之前擔心做唔到，拍嗰時又辛苦，之後兩個月都抽離唔到。（咁點紓解？）放空咩都唔好諗，有時你愈唔想諗就會愈諗，所以咩都唔好諗。」

講到頒獎典禮在即，大會剛剛又頒發「視後」寶座，問到可有加大信心？Ali即撒嬌求饒話：「唔知呀，唔好問我啦！我都唔想將頒獎典禮變成一個壓力，愈多人支持就愈唔想佢哋失望，知道都有好多人錫我、支持我，有啲一直以嚟都唔出聲嘅人都話有留意我，呢種開心系比攞獎更難得、珍貴，所以我自己都唔想有壓力，通常到嗰晚坐喺下面先開始有壓力。」

問到如何作最後拉票？Ali笑認拉票唔叻，平時都靠出活動及訪問時間拉票：「希望支持我嘅人唔好凈系放喺心入面，用行動支持我。（男友支持咗？）迫佢Download咗個投票Apps，用咗佢個電話投自己一票，之後可能攞曬屋企人個電話投，親力親為咁，多一票得一票！」

視帝呼聲高　王浩信好期待

藝人王浩信日前到上海為商場擔任聖誕亮燈活動嘉賓，表示即將拍攝電影，但詳情不欲多談，僅透露是一個經典角色，故近日忙於做準備，對於被指今屆無線頒獎禮奪視帝呼聲高，浩信不諱言也很期待，更謂：「近期也一直在宣傳《兄弟》這部劇，希望大家多多支持，觀眾支持最緊要，因為角色在他們心入面，才有機會有獎項。」

許世勛出殯　李嘉欣眼紅鼻紅道別老爺

香港第一代船王許愛周兒子、中建企業董事長許世勛於早上11時在香港殯儀館舉行舉殯後，遺體低調運送到歌連臣角火葬場火化，而運送靈柩的靈車並沒有寫上「許府」出殯，只是簡單的布置，而靈車上見到兒子許晉亨和孫兒許建中，神情哀傷的媳婦李嘉欣拖著兒子上七人車隨後，相信在靈堂上哭泣致眼紅鼻紅。當靈車抵火葬場時，許晉亨捧著父親遺照，伴隨父親的靈柩進入禮堂，簡單的儀式於10分鐘內完成，神情肅穆的許晉亨和表現傷心並戴上黑超的太太李嘉欣及兒子三人步出禮堂，進行跨火盤習俗和洗手後便離開。之後他們與一眾親友到了銅鑼灣一間酒樓食解穢酒。