唐詩詠自爆遭威脅陳展鵬陪老婆戒口黎諾懿自曝造人追生豬女

娛樂 12-13

喜歡你是你

雨後陽光

許志安

00:00/04:43

今日快報

陳慧珊主持教育節目　邀星級嘉賓分享

藝人陳慧珊（Flora）為香港開電視構思製作的星級教育訪談節目《放學後》將於明年於香港開電視77台隆重首播，昨日她就出席午宴，與大家分享節目內容。

Flora希望透過節目，傳揚人生不斷自我學習的教育觀念，為社會作出貢獻。而她於昨日午宴上，更親自介紹節目理念，她表示該構思早於兩年前已萌生：「節目核心是提出教育以各種形式出現的觀點，提倡我們必須成為終身學生。我特別邀請了15位星級嘉賓，分享他們終身學習的經驗。」

而Flora更率先透露節目嘉賓包括吳鎮宇、楊采妮、王敏德、宣萱及胡杏兒等好友，並特別感謝他們的幫忙。

網民熱捧奪女配　楊秀惠感謝張衛健度對白

藝人楊秀惠投資的美容店開張，獲台慶劇《大帥哥》的一班演員前來撐場，秀惠稱這間店是全球第五間：「我由尋晚到依家都好緊張，今日一路揸車一路想喊，好感觸，因為一邊拍劇一邊做生意並唔簡單，好辛苦，好多謝同事鼓勵同支持，好感動。」

秀惠在昨晚播出的《大帥哥》中演技大爆發，喊戲獲網民激贊，她亦邊看邊哭，並感激拍檔張衛健（Dicky）幫忙：「嗰場戲系佢幫我度過曬所有對白，我當時一邊睇劇本一邊喊，佢度嘅對白好人性化，我拍嘅時候都喊到停唔到。（網民熱捧你攞女配角。）得到大家支持好開心，攞唔攞到獎唔系最重要，最重要系得到大家嘅認同，今日系雙喜臨門。」

李亞男曬大肚寫真！祖藍個肚識變大縮細？

34歲嘅藝人李亞男（Leanne）依家懷孕接近9個月，昨日佢喺社交網曬出同老公王祖藍以黑白情侶Look影嘅大肚寫真，仲話好期待囡囡出世添！拍照過程中，祖藍除咗隔住老婆嘅肚皮錫錫囡囡之外，一向搞笑嘅佢，仲同就快生得嘅Leanne斗肚大，認真百厭！Leanne笑言老公個肚時大時細，真系夠曬神奇！

另外，祖藍又自爆為囡囡改名諗到頭都大埋，佢表示：「寶寶是女生，爸爸姓王，媽媽姓李，各位廣大的網友有甚麼好聽的名字可以供我和亞男參考一下嗎？給孩子起名字真的太難了！」求救聲一出，各位諗頭多多嘅網友就即刻獻計，紛紛留言提議：「王祖紅」、「王祖賢」、「王愛莉（諧音：王愛李）」等，祖藍今次仲唔大把貨仔？

恨攞視帝！黎諾懿自曝踩行油造人追豬女

藝人黎諾懿現身廣告頒獎典禮，他透露今年拍了八個廣告，非常開心，希望下年再接再厲並笑言自己很抵用。問到會否買禮物好好獎勵自己？他說：「會獎勵太太，之前結婚周年我送咗粒綠寶石畀佢，希望下年可以送大粒啲，同埋希望可以生個女，依家已經『造緊嘢』，全力以赴，呢個系明年最大嘅project，生個豬女，如果豬仔都OK，不過生埋呢個唔會再追，因為要精神去湊。」他指囝囝很黐自己，由凌晨三時陪他玩到朝早六時。

另外，講到視帝，他表示希望能跟《BB來了》的拍檔李佳芯齊齊攞獎，但承認對手強勁：「好開心可以同張衛健、馬德鍾競爭，但攞獎好講運，好開心拍到套好劇，我會全力爭嚇。」

陪老婆戒口！陳展鵬單文柔冇啖好食

藝人陳展鵬的太太單文柔（Phoebe）現時懷孕中，Phoebe向來嗜甜，但孕婦就最忌吃太甜，故展鵬不時廿四孝老公上身，照顧及看管太太的飲食。但要做到這一點，都不容易，Phoebe現時不能食榴槤、麻辣火鍋、魚生、杧果糯米糍、雪糕等，佢唔食得之餘，展鵬都不能食，問到展鵬會否出去「偷食」時，他謂：「我差不多每一餐都同佢一齊食，點樣偷食呀！我依家同佢一樣，都唔食得呢啲嘢！」呢啲咪愛囉！

洪永城撻女模　唐詩詠自爆遭人威脅

藝人洪永城（Tony）近日被爆撻著模特兒兼長跑教練梁諾妍（Inez），作為舊愛嘅唐詩詠亦大方祝福！呢日，唐詩詠就喺社交網曬出一張相，相中見佢企喺街頭露出招牌笑容，仲見到街頭對面有其廣告牌，原來…佢影呢張相系有原因！

唐詩詠透露：「當有人威脅你，唔影相唔去食pancake時，為咗嗰個幸福的pancake，我唯有照做同用笑容去遮掩我嘅尷尬。」而好友黃翠如亦留言：「威脅你個（嗰）個應該系魚，亦都應該得魚敢，因為系好姊妹所以冇禁忌嘅！」網民都話睇完翠如個留言，估詩詠講嗰個9成系佢，大家仲話天氣咁凍，叫貪靚嘅詩詠咪著咁少衫呀！