馬德鍾李佳芯封視帝視後！馬國明繼續陪跑，蕭正楠黃翠如宣布已婚！

「最佳女主角」

視後方面賽前被認為是李佳芯、陳煒及黃智雯之爭，最終由近年上位的36歲李佳芯得獎，她在《BB來了》中的「唐恬兒」演活新手媽媽的苦與樂，贏得民心，終首度榮登視後！

「最佳男主角」

現年50歲的馬德鍾憑《跳躍生命線》奪得「最佳男主角」，入行27年的馬德鍾16次提名，今次首奪得視帝！

馬德鍾講得獎感受時，對於自己提名16次終奪視帝，他說：「依家先知咩叫吃過苦先知甜嘅美好！」他又感謝父母、太太和兒子，提到太太，他說：「做藝人太太唔容易！」

「最佳女配角」

「萬千星輝頒獎典禮2018」的「最佳女配角」由《愛．回家之開心速遞》中飾演「大小姐」的林淑敏奪得，絕對眾望所歸，拍檔許家傑（送水輝）更企起身恭喜她。

她致感謝時聲音略帶沙啞，並多謝公司多年來的栽培，並感性地說：「記得7年前我有過一場大病，當時我諗我自己仲有咩用，但樂小姐（樂易玲）打畀我，叫我唔使擔心，繼續返公司開工。」她稱今次的獎項並非屬於自己，而是整個《愛．回家之開心速遞》。最後更感謝老公不斷支持！

「最佳男配角」

藝人梁烈唯（唯唯）憑劇集《是咁的，法官閣下》首度奪得「最佳男配角」，當宣布由他獲獎時，他表情獃滯，其後以手掩口，身邊人陸續與他相擁並送上恭喜，唯唯忍不住喜極而泣。

唯唯在台上笑言不知道自己會獲獎，否則會請專人為他化妝及整頭，及後他多謝公司多年來的栽培：「早幾年發生好多事，對我好大挑戰，諗過好多次放棄，好多謝好多朋友支持我同我傾計，多謝樂小姐（樂易玲）同Sandy（余詠珊），喺我最迷茫時畀工作我。」最後他多謝太太及在台上向她示愛：「我想同太太講I Love You，冇佢喺我身邊提醒我、支持我，我冇可能企喺個台上面，多謝我父母、我個女、我哥哥，仲有一班好兄弟。」

「最受歡迎電視女角色」

今年台慶頒獎禮「最受歡迎電視女角色」由陳煒奪得，陳煒於歐陽震華手中接過獎項，宣布一刻她喊個不停，現場的藝人都與她抱擁。

她說感言時多謝余詠珊和杜之克，安排她主持煮食節目，令她入屋，她更多謝《宮心計2深宮計》監製梅小青，陳煒坦言：「啲對白真係好難背，背得我好辛苦。」原先被指是視後大熱的她，最終大熱倒灶，失落視後寶座。

「最受歡迎電視男角色」

44歲馬國明憑《宮心計2深宮計》將軍「任三恕」一角贏得「最受歡迎電視男角色」，再次得到這個獎項。宣布賽果時，雖然身旁藝人拍掌以示支持，但馬國明繼續天然呆表現難以置信，他說：「唔使畀紙巾我，我唔係代言人，我冇收到錢……我真係唔知點解攞獎，惟有多謝套劇同埋錫我嘅團隊，都要多謝高層，今晚真係好大嘅Surprise。」

「飛躍進步女藝員」

「飛躍進步女藝員」由「貼地港姐」馮盈盈奪得，她聽到自己得獎時震驚，似乎並未敢相信，及後在台上表示：「冇諗講咩，只係諗住頒完獎就去洗手間！多謝公司願意畀獎我，自己其實覺得未夠班，你哋真係好大膽！」

馮盈盈在後台受訪，講到入行2年便攞獎，她表示：「來得太快，似置身夢境，人生就好似過山車大起大落，我仲係有啲急尿！」盈盈雖然多謝公司畀機會，拍戲又做主持，但對自己得獎仍覺未夠班，還繼續踩自己：「我攞獎實在有啲心虛，唔值得亦唔夠班，真係受寵若驚，我資質唔好，仲有好大進步空間。（下年目標係女配定係視後？）行得太快唔好，會唔知自己去到邊，要用時間證明自己！」

「飛躍進步男藝員」

「飛躍進步男藝員」由何廣沛贏得，同劇《跳躍生命線》的馬德鍾起身鼓掌，而緋聞女友朱晨麗（朱朱）亦大方上前送抱，但他在台上的感言並未多謝朱朱，何廣沛說：「好感恩，好幸運遇到好多好劇本及唔同角色，亦多謝公司安排好多前輩畀我偷師，如馬德鍾、陳展鵬、王浩信等，會視你哋為榜樣，朝住你哋作為目標，亦要多謝Fans嘅支持！」

2012年訓練班出身，入行6年的何廣沛在後台受訪時，對得獎仍繼續多謝眾多前輩的提攜：「好多前輩如方中信、豹哥（單立文）傍住，好多謝佢哋！（朱朱攬你，會公開戀情？）當時我一片空白，但一定會請番朱朱食飯多謝佢！」

「萬千光輝演藝人」

家燕姐講感言時表示要感恩，演藝生涯已60年，全不簡單，又特別多謝曾勵珍找她拍《真情》，是她人生轉折點！當時很辛苦，但從來都沒有跟公司說辛苦，又多謝樂小姐及余詠珊小姐給她的支持及協助，家燕更講到喊：「TVB呢個大家庭係畀我好大支持，當中包括幕後及一班合作過嘅藝人，有時唔記得食嘢買埋畀我食，我慳埋好多，我會繼續努力報答大家。」

「專業精神大獎」

藝人盧宛茵、鄭子誠及歐瑞偉獲頒發「專業精神大獎」。

當年才20歲的盧宛茵於訓練班畢業便扮演母親角色，如今出道45年，得獎後她坦言：「真係喜極而泣，我咁感性，拍喊戲唔使滴眼藥水。多謝公司多年來對我嘅教導及栽培，台前幕後同事多年以嚟嘅合作，仲要多謝《BB來了》嘅監製，令我嘅演技有所發揮。多謝廣大觀眾多年來對我嘅支持。」

而鄭子誠得獎後，全場尖叫聲不絕，他表示：「多謝同事們，攞獎我唔敢當，我只係有做演員最基本嘅態度啫。每個人都會受身處嘅環境所影響，我每日工作時候都遇上非常專業嘅同事們，相信大部分同事們都配得上攞這個獎。」

歐瑞偉則笑指自己從沒有想過得獎，所以事前沒有準備致謝辭：「最緊要多謝我老婆、一對仔女同我嘅Terry（李偉健）。」

「最佳劇集」

由馬德鍾、何廣沛及劉佩玥等主演的話題劇集《跳躍生命線》獲頒最佳劇集，成為終極大嬴家，宣布賽果一刻全場歡呼！

《跳》劇台前幕後齊齊上台領獎，劉佩玥更哭成淚人，監製方駿釗公開多謝一眾高層後，搞笑從袋中取出貓紙，且謂：「要多謝嘅人太多，我寫低咗，唔該 Close Up大家睇啦﹗」

「新加坡及馬來西亞最喜愛劇集」

由《三個女人一個「因」》獲得，眾演員及監製代表上台攞獎，監製潘嘉德表示：「多謝星馬觀眾支持，以及台前幕後嘅同事，黃智雯由頭到尾都冇病過，場場都有佢。」

「最受歡迎電視歌曲」

「最受歡迎電視歌曲」獎由菊梓喬獻唱的《跳躍生命線》插曲《但願人長久》奪得，菊梓喬致謝時語帶哭腔，除了多謝公司，還感激《跳》演員的出色演出：「佢哋演得好感動，我睇佢哋演出，喊咗好多次。今晚好開心，希望可以唱多啲好嘅音樂。」

「最佳節目主持」

「最佳節目主持」獎項由節目《女人四十》奪得，主持人田蕊妮拎獎時說：「我以為自己好冷靜，點知都會喊，我真係好多謝公司，喺呢個過程我學到好多嘢，好多謝我媽咪，因為佢遺傳咗好多好嘅嘢畀我，好多謝我爸爸，最後我多謝我自己，因為呢個節目真係為女人做咗好多嘢。」

「最受歡迎電視拍檔」

蕭正楠和曹永廉憑節目《兄弟大茶飯》贏得「最受歡迎電視拍檔」，兩人互窒兼致感謝辭後，阿蕭突然深情向女友黃翠如表白，並以「太太」稱呼對方，驚爆已婚：「我好想喺呢個機會多謝我太太黃翠如！」身旁的翠如一臉甜笑，更立即爆喊，全場藝員即驚喜鼓掌！

緊張的阿蕭續說：「我依家好心神恍惚，一直希望感動到我太太，但我腦仔諗唔到好多嘢，多謝翠如令我學識照顧人，成為更好嘅男人！今晚承諾都幾大鑊！全香港睇住。」現場儼如變成兩人婚禮，全場大叫：「咀佢！」最終兩人甜蜜咀嘴及擁抱！

「最佳非戲劇節目」

綜藝節目《嫁到這世界邊端2》、《美女廚房》、《森美旅行團》、《#後生仔傾嚇偈》和《周遊東京》獲頒發「最佳非戲劇節目」，森美上台領獎時拉黃心穎和馬國明「落水」，他謂：「第一輯節目我喊咗，全世界都唔知我喊乜，心穎竟然話好Sweet，搞到連我太太都以為我好愛心穎。今日係好日子，希望仲有男藝人表示自己結…唔好係結紮就得嘞！」

至於因主持日本旅遊節目而成功上位的周奕瑋上台喊住攞獎，並感恩說：「多謝無線，多謝每位幕後工作人員，多謝鄭裕玲、娛樂新聞，同埋當初余詠珊執我入行，相信我冇令她失望。」

大家對於這次頒獎結果滿意嗎？

歡迎分享至朋友圈

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！