古巨基期待報喜阿嬌周勵淇接連出嫁，楊受成：女大不中留

娛樂 12-20

鴛鴦襪

容祖兒

00:00/03:20

今日快報

歷史第三人　周奕瑋做主持全靠佢鼓勵

無線藝人周奕瑋（Jarvis）憑主持《周遊東京》，於剛過去的台慶頒獎禮上一賞得奬滋味，事後即偕同娛樂新聞台一班兄弟姐妹包括許文軒、林子博、麥美恩及張允芝等前往打邊爐敘舊兼慶功，場面令人感動！

談到今次得奬，Jarvis坦言：「一落台就同許文軒做訪問，回想起大家當初一齊入行，年前我去日本讀書，想返嚟發展都系得佢鼓勵，我先下定決心返嚟，再試嚇呢個行業，所以嗰晚大家講到眼濕濕。娛樂新聞台出身嘅藝人都好叻嘅，好似黎芷珊同麥美恩咁，我系第3個有機會企上頒奬台，希望大家繼續努力。」

Jarvis更獲一班粉絲於電視城門外等候，舉行了一個小型慶祝會：「佢哋有部分系由我做記者開始支持嘞，所以我都好感動。其實今次得獎，最開心系同中學師兄森美同台，以往因為母校活動我哋都有聯絡，佢嘅鼓勵對我嚟講都好重要。」

探訪送羽絨　梁烈唯望病人度過溫馨聖誕

藝人梁烈唯（唯唯）向來工作認真，更有一夥善良的心。日前他和好友陳山聰、吳卓羲、郭政鴻等齊齊到香港肌健協會探訪，並向患者送贈愛心羽絨，唯唯接受訪問時表示：「今次啲聖誕禮物順利派發，好開心，希望佢哋可以有個快樂又溫馨嘅聖誕節，即使唔能夠減輕佢哋嘅病情，都希望以我哋嘅愛心感染佢哋！」

開心報喜！31歲張名雅宣布順產誕子

31歲嘅前港姐張名雅早前宣布佗第二胎，腹中BB系囝囝嚟，並已改英文名叫Milo。昨晚佢喺IG透露準備生仔，仲留言：「See you soon Baby Milo！」今日，佢宣布囝囝終於出世喇！記者祝賀佢，佢開心表示：「多謝，系順產！」

曬全家福！吳雨霏：我永遠不會是完美媽媽

歌手吳雨霏（Kary）於今年六月為老公Brian誕下囝囝Asher後，不時喺社交網分享湊仔日常，唔經唔覺Asher已經六個月大，Kary今日喺社交網上載一家三口嘅合照，相中見到兩父子一齊著牛仔裝，Kary更用Asher嘅手仔摸老公塊面，畫面勁溫馨！

Kary仲以英文留言發表做新手媽媽嘅感受：「在過去的六個月，你一直是我最好的老師。母性很難──它確實暴露了我的弱點並推動了我的極限，但你教給我的遠遠超出了我的想像。在我成為母親之前，我不知道我有它（母性）。我相信所有媽媽都有同感。我喜歡我成為的人，我喜歡做媽媽。我擁抱的事實是，我不是一個完美的媽媽，我永遠不會，但我會為你做到最好。謝謝你帶給我一生中最好的六個月。」

阿嬌周勵淇接連出嫁　楊受成：女大不中留

英皇集團主席楊受成出席電影《神探大戰》煞科宴，提到最近旗下藝人鍾欣潼（阿嬌）、周勵淇先後結婚，他笑言：「好，最好嫁曬，佢哋年紀都應該，搵到啱就結，女大不中留，不過我唔會催佢哋，有啱就結囉！（要準備大禮？）我冇所謂，大家合作咗十幾年，佢哋對公司好有貢獻，我對個個都一視同仁。（凈番蔡卓妍同容祖兒未結婚？）仲有好多，我都希望佢哋早日搵到個好歸宿。」

對於周勵淇突然宣布結婚，他稱自己於對方公布前兩三天就知道：「我見過佢老公，食過一次飯，佢專登約出嚟介紹畀我識。（覺得佢老公點？）幾好呀！」

就嚟升呢做爸爸　陳展鵬諗定點教仔女

藝人陳展鵬現時忙於陪伴懷孕中的愛妻單文柔（Phoebe），稍後便隨即為無線新劇拍攝。日前展鵬抽空出席滅罪運動，坦言小時候都經常參與少年警訊活動，估不到長大後能成為「滅罪大使」，眼見一班小朋友穿著有型交通警制服，展鵬除了想當年外，快為人父的他，更要想將來怎樣教導子女，為他們作好榜樣。

太太有孕？古巨基期待報喜

歌手古巨基在將軍澳電視城為薛家燕主持的節目《流行經典50年》擔任嘉賓，他笑謂每次見家燕姐也要採集她頭上的「寶石」，並已經集齊七粒。

古巨基錄像完節目就要趕入機場飛到上海為電視節目錄像，他說：「重返節目好開心，同時好難得相隔12年再同方力申、側田、小肥齊唱屬於佢哋嘅《年年有今日》，我哋系『一條順』，原本仲有Rubber Band嘅6號，但佢嚟唔到，2007喺我演唱會唱過，今次喺節目再聚。」近日有傳古巨基做老竇，追問可以報喜了嗎？他笑言：「太太嘅喜事喺一月發生，因為佢生日。（郭富城宣布太太懷第二胎！）系咩？等我做完訪問傳信息恭喜佢。（幾時可以恭喜你？）我都期待緊，總之有就會話畀大家聽。」