三浦翔平＆桐谷美玲婚禮超sweet！《有喜歡的人》現場拍續集？

今年結婚D人好似扎堆咁

特別係到咗年尾呢段時間

就算無收到紅色炸彈襲擊

朋友圈d婚禮圖都多到暈

娛樂圈都係一樣

今年嘅喜事似乎特別多

尋日啱同大家講完嘅江若琳

刷咗好耐屏

但系大家都唔會厭嘅阿嬌

公開公布婚訊嘅翠如bb

好消息依然源源不斷

尋日三浦翔平&桐谷美玲

喺東京擺酒

一共請咗成兩百人去

場面認真墟撼

一班朋友山崎賢人、野村周平、

佐藤健、城田優、山田孝之、

觀月阿里莎、橋本環奈等都有出席

三浦同吧花拍拖一年半

喺今年6月24日註冊結婚

今個月16號就係吧花29歲生日

兩人趁機喺夏威夷舉行咗婚禮

不過就係低調嘅私人儀式

尋日先返到日本

喺東京一間酒店補擺酒

婚宴開頭先播放咗兩個人嘅視頻

特登用咗吧花以前主持過嘅

新聞節目《news zero》嘅形式

兩位新人扮演主播來介紹

三浦翔平嘅好友、

樂隊ONE OK ROCK主唱Taka

同埋村尾信尚

都上咗台進行致辭

三浦同吧花仲有山崎賢人、

野村周平前年一齊拍咗日劇

《有喜歡的人》之後

雖然喺戲中

兩位係女主同男二嘅身份

不過就產生愛嘅火花

開始秘密拍拖

山崎賢人同野村周平

喺婚宴現場仲帶咗衝浪板

四個人喺現場

為大家帶來咗一段

《有喜歡的人》嘅續集

作為餘興節目

隨後兩位新人

公開咗婚宴上嘅合照

話以後會互相扶持繼續努力

兩人準備今個星期

就會再飛去馬爾地夫度埋個蜜月先

兩位真系又襯又甜蜜！！！

祝福佢哋啦！

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！